अकोला: स्थानिक दिव्यांग सोशल फाउंडेशन अकोला तर्फे प्रा.विशाल कोरडे यांच्या मार्गदर्शनात विविध जनजागृतीपर कार्यक्रम निरंतर केले जात आहेत .
त्याचाच एक भाग म्हणजे दि.२० सप्टेंबर ते २८ सप्टेंबर २०२३ पर्यंत होणाऱ्या सार्वजनिक गणेश उत्सवासाठी संगीतमय दृष्टी गणेशा कार्यक्रम दिव्यांग सोशल फाउंडेशन अकोला तर्फे आयोजित केला आहे . सदर कार्यक्रम संस्था गेल्या १० वर्षापासून करीत असून या संगीतमय कार्यक्रमात दिव्यांग कलावंत आपली कला प्रस्तुत करतात . या कार्यक्रमात मराठी हिंदी भक्ती गीते , गणेश वंदना , आरती व अवयवदानावरील जनजागृती पर गीतांचा समावेश केला जातो . संस्थेतर्फे अकोल्यातील सर्व सार्वजनिक गणेशोत्सव मंडळात या कार्यक्रमाची प्रस्तुती केली जाते या कार्यक्रमात रक्तदान , नेत्रदान , निसर्ग संवर्धन , प्लास्टिक बंदी , स्त्री शिक्षण , दिव्यांगांच्या समस्या इत्यादी विषयावर जनजागृतीपर कार्यक्रम केले जातात . दिव्यांगांच्या कला प्रस्तुती बरोबरच अकोल्यातील नेत्रतज्ञ डॉ.नितीन उपाध्ये , दंतचिकित्सक डॉ.विद्याजयसवाल , योग प्रशिक्षक भारती शेंडे , आयुर्वेदाचार्य डॉ.राजेश भोंडे , गायक प्रा.विशाल कोरडे , संस्थेचे उपाध्यक्ष प्रा.अरविंद देव व सहसचिव डॉ.संजय तिडके यांचेही प्रबोधन पर व्याख्यान गणेश भक्तांसाठी आयोजित करण्यात येणार आहे . या कार्यक्रमात रक्तदात्यांची नोंदणी केली जाणार असून शेवटच्या दिवशी रक्तदान केले जाणार आहे . या जनजागृती पर संगीतमय कार्यक्रमाचे आयोजन प्रत्येक सार्वजनिक गणेश उत्सव मंडळाने करावे या कार्यक्रमाच्या निशुल्क नोंदणीसाठी दिव्यांग सोशल फाउंडेशन अकोला च्या ०९४२३६५००९० या हेल्पलाइन क्रमांकावर संपर्क साधावा असे आव्हान आयोजन समितीचे नीता वायकोळे , वंदना तेलंग , पूजा गुंटीवार , अंकुश काळमेघ , अनामिका देशपांडे , विशाल भोजने , तपस्या गोलाईत व संचिता चव्हाण यांनी केले आहे .
-(10).jpeg)
