मंगरुळपिर : दिनांक 22 ऑगष्ट 2024 रोजी वनपरिक्षेत्राधिकारी कार्यालय फिरते पथक मंगरूळपीर यांना प्राप्त गुप्त माहितीच्या आधारे, मौजे ढील्ली तालुका जिल्हा वाशिम येथील रहिवाशी संदीप गोविंदा कऱ्हे यांचे राहते घरात धाड टाकून घरातून विना परवाना अवैधरित्या वाहतूक करून कटाई करून साठवणूक केलेले सागवान लाकडे कट साईज,गोलनग व सागाचे तयार साहित्य,दरवाजा पल्ले व खिडक्या पल्ले मिळून एकूण 1.024 घनमीटर लाकूड मालासह सदर अवैध लाकडे कटाई करुन कट साईज बनवण्या करता वापरण्यात आलेले साहित्य,रंदा मशीन व इतर सुतार कामाचे साहित्य मिळून अंदाजे 80 हजार ते एक लाख रुपयांचा माल जप्त करून आरोपी संदीप गोविंदा कऱ्हे रा.ढील्ली यांच्या विरुद्ध भारतीय वन अधिनियम 1927 च्या विविध कलमान्वये वनगुन्हा जारी करून कारवाई करण्यात आली. सदर कारवाईतील सर्व साहित्य वनविभागाने जप्त करुन ताब्यात घेऊन शेंदुर्जना शासकीय लाकूड आगार येथे वाहतूक करून जमा ठेवले. सदर संपूर्ण कार्यवाही वाशिम वन विभागाचे उपवनसंरक्षक मा. स्वामी सर यांचे मार्गदर्शनात,तसेच यवतमाळ वन विभागाचे विभागीय वनाधिकारी दक्षता दिघोले सर, यांच्या मार्गदर्शनात वनपरिक्षेत्र अधिकारी फिरते पथक मंगरूळपीर छत्रपती चव्हाण,क्षेत्र सहाय्यक राजू राठोड,क्षेत्र सहाय्यक एस.पी. राठोड सह अधिनिस्त फिरते पथक वनकर्मचारी,मानोरा वनपरिक्षेत्रातील वन कर्मचारी तसेच कारंजा वन परिक्षेत्रातील वनकर्मचारी यांनी एकत्रित रित्या यशस्वीरित्या पार पाडली. सदर प्रकरणी पुढील चौकशी वनपरिक्षेत्र अधिकारी फिरते पथक मंगरूळपीर करीत आहेत.
