वाशिम : "दिव्यांग कल्याण विभाग दिव्यांगाच्या दारी" हा या कार्यक्रमाअंतर्गत शासनाकडून,दिव्यांग मेळाव्याचे आयोजन 4 ऑक्टोबर 2023 रोजी सकाळी 10 : 00 वाजता तिरुपती लॉन,शासकीय तंत्रनिकेतन समोर रिसोड रोड,वाशिम येथे करण्यात आले आहे.
यावेळी आयोजीत दिव्यांग कल्याण कार्यक्रमाचे अध्यक्षस्थानी मृद व जलसंधारण मंत्री तथा जिल्ह्याचे कार्यतत्पर आणि हजरजवाबी पालकमंत्री संजयभाऊ राठोड हे असतील.मेळाव्याचे उद्घाटन दिव्यांग कल्याण विभाग दिव्यांगांच्या दारी अभियानाचे अध्यक्ष व मुख्य मार्गदर्शक राज्यमंत्री दर्जा असलेले आणि महाराष्ट्र राज्यातील सकल दिव्यांगाचे कैवारी म्हणून ओळखले जाणारे एकमेव आमदार ओमप्रकाश उर्फ बच्चूभाऊ कडू हे करतील.यावेळी जि.प. अध्यक्ष चंद्रकांत ठाकरे,खासदार भावना गवळी,खासदार संजय धोत्रे, जिल्ह्यातील सर्वच आमदार अनुक्रमे अँड.किरणराव सरनाईक,वसंत खंडेलवाल, धीरज लिंगाडे,लखन मलिक,राजेंद्र पाटणी व अमित झनक ,जिल्हा परिषद उपाध्यक्ष चक्रधर गोटे,समाज कल्याण समिती सभापती अशोक डोंगरदिवे,अर्थ व बांधकाम समिती सभापती सुरेश मापारी,महिला बालकल्याण समिती सभापती वैशाली लळे आणि कृषी व पशुसंवर्धन समिती सभापती वैभव सरनाईक यांची विशेष उपस्थिती राहणार आहे.या कार्यक्रमाला जिल्हाधिकारी बुवनेश्वरी एस.,जिल्हा परिषदेच्या मुख्य कार्यकारी अधिकारी वसुमना पंत,पोलीस अधीक्षक बच्चन सिंह,समाज कल्याणचे प्रादेशिक उपायुक्त सुनील वारे,जिल्हा परिषदेचे अतिरिक्त मुख्य कार्यकारी अधिकारी सुनील निकम व जिल्हा समाज कल्याण अधिकारी मारुती वाठ यांची देखील प्रमुख पाहुणे म्हणून उपस्थिती राहणार आहे.
तरी जिल्ह्यातील जास्तीत जास्त दिव्यांग बांधवांनी या मेळाव्याला उपस्थित राहुन विविध योजनांची माहिती जाणून घेऊन योजनांचा लाभ घ्यावा. असे विनम्र आवाहन कारंजा येथील महाराष्ट्र दिव्यांग संस्थेचे अध्यक्ष तथा दिव्यांग जनसेवक संजय कडोळे यांनी केले आहे.
.jpg)
.jpeg)
