विदर्भात भाग बदलवीत रिमझिम शक्यता.
वाशिम: गेल्या पाच वर्षापासून करंजमहात्म्य परिवाराकडून महाराष्ट्र शासन पुरस्कार प्राप्त शेतकरी मित्र संजय कडोळे हे,ग्रामस्थ आणि शेतकऱ्यांना सतर्क करण्यासाठी पावसाचे अंदाज प्रकाशित करीत असल्यामुळे,दररोज त्यांना राज्यातील शेतकऱ्यांकडून पावसाच्या अंदाजाची विचारणा होत असते.परंतु स्वतः संजय कडोळे यांनी सांगीतले की, राज्यातील हवामान विभाग आणि आमचे मित्र वाशिम जिल्ह्याचे सुप्रसिद्ध हवामान अभ्यासक गोपाल विश्वनाथ गावंडे यांच्या अंदाजावरूनच आम्ही शेतकऱ्यांना हवामान अंदाजाची अचूक माहिती पुरवीत असतो.त्यांनी पुढे सांगीतले की,गेल्या मे महिन्यात तापमानाने उच्चांक गाठलेला असतांना,अचानक बंगालच्या उपसागरात झालेल्या घडामोडी मुळे,राज्यात अवकाळी पाऊसही सर्वदूर पर्यंत चांगलाच बरसला होता.त्यातच केरळमध्ये आणि राज्याच्या सिमावर्ती भागात,मान्सूनचे आगमनही अपेक्षेपेक्षा दहा बारा दिवस अगोदरच झाले.मात्र तूर्तास अरबी समुद्रावरील वारे स्थिरावल्यामुळे पर्यावरणीय बदल आणि मान्सूनच्या वाटचालीची प्रगती थांबली. त्यामुळे मुंबई कोकण किनारपट्टी वर दाखल झालेला मान्सून अद्याप पर्यंत उर्वरीत राज्य उत्तर महाराष्ट्र,मराठवाडा आणि विदर्भात,देशपट्टी,झाडीपट्टी भागात पोहोचलाच नाही. उलट पक्षी विदर्भात तर पुन्हा उन्हाळ्याचे प्रखर दिवस परतून सुर्य आग ओकीत आहे.शिवाय काही प्रमाणात असलेल्या ढगाळ वातावरणाने उकाडा प्रचंड वाढल्याने अंगाची लाही लाही होत आहे. मात्र असे असले तरी, मृगाच्या शुभारंभी ८ जून रोजी बारिक शितोंडे पडण्याचा अंदाज आहे. या संदर्भात आपल्या अचूक हवामान अंदाजांनी सर्वदूर प्रसिद्ध असलेले जिल्ह्यातील हवामान अभ्यासक गोपाल विश्वनाथ गावंडे यांच्या अंदाजानुसार दि.
१० जून रोजी,राज्याच्या अनेक भागात दुपारनंतर बारिक सारिक पाऊस पडण्याची शक्यता आहे.त्यानंतर दि १३ ते १७ जून दरम्यान मुंबई, कोकण किनारपट्टी, पाश्चिम महाराष्ट्र,पुणे, उत्तरमहाराष्ट्र,खांदेश, मराठवाडा, पूर्व विदर्भाच्याकाही भागात पूरस्थिती निर्माण करणारा मुसळधार पाऊस होण्याची सुद्धा शक्यता आहे. तर साप्ताहिक करंजमहात्म्य परिवाराच्या अंदाजानुसार दि १३ ते १७ जूनच्या दरम्यान मान्सूनच्या पावसाची दमदार सुरुवात होईल. मात्र यंदा पेरण्या लांबणार असल्याची शक्यता असून, जूनच्या शेवटी शेवटी आणि जुलै महिन्यातच सर्वदूर पर्यंत पेरण्या होणार आहेत. राज्याच्या हवामान खात्यानेही भरपूर पाऊस झाल्याशिवाय पेरण्या करू नये.असे स्पष्टच सांगितले आहे.आता दि.१३ जून ते १७ जून आणि दि.२५ जून रोजी मुंबई किनारपट्टी, पश्चिम महाराष्ट्र,मराठवाडा, पूर्व विदर्भ भंडारा गोंदिया गडचिरोली चंद्रपूर नागपूर, यवतमाळ भागात मुसळधार ते अतिमुसळधार काहीसा वादळी पाऊस होण्याची शक्यता आहे.त्यामुळे नदी नाल्याच्या काठावर राहणाऱ्या लोकांनी सतर्क व्हावे.राज्याच्या काही भागात विजाच्या कडकडाटात पाऊस होऊन विजा पडण्याचा संभव असल्यामुळे,आपण सतर्क व्हावे. वाशिम जिल्ह्यात बहुतांश शेतकऱ्याच्या शेतजमिनीची नांगरणी वखरणी मशागत पूर्ण झाली असून आता त्यांना पावसाची प्रतिक्षा आहे.मात्र तूर्तास पेरणीयोग्य पाऊस होणार नाही तर पेरणी योग्य पाऊस हा जूनच्या तिसऱ्या आठवड्यात होण्याचा अंदाज आहे.आणि शेतकऱ्यांनी,चांगला पाऊस होऊन पावसाचे पाणी जमिनीत खोलवर मुरल्याशिवाय आणि मुख्य म्हणजे कृषी विभागाच्या सल्ल्या शिवाय पेरण्या करूच नये.तसेच आकाशात काळ्याकुट्ट ढगांनी पावसाळी वातावरण तयार होताच दुपार नंतर शेतातून घरी परतावे.विजांचा लखलखाट होत असल्यास लगेच आपल्या जवळचे मोबाईल डाटा बंद करून स्विच ऑफ करावे., शेतात थांबू नये.हिरव्या झाडाचा आश्रय घेऊ नये.आपल्या शेळ्यामेंढ्यांची आणि गुराढोरांची विशेष काळजी घ्यावी.अतिवृष्टी होऊन पाऊस वाढल्यास पांदण रस्ते, नदी नाले व पुलावरून स्वत : जावू नये.व आपली दुचाकी,चारचाकी वाहने, बैलबंड्या व गुरेढोरे नेऊ नये. जीवन हे अनमोल आहे.त्यामुळे स्वतःची,कुटूंबियांची व गुराढोरांची सुरक्षा करावी. वादळी पावसामुळे शेतात किंवा गावात विजेच्या तारा तुटण्याच्या, विद्युत पुरवठा बंद होण्याच्या घटना सतत घडत असतात. अशावेळी सतर्क राहून रात्रीच्या अंधारात प्रकाशासाठी आपल्या घरामध्ये पर्याची व्यवस्था करावी. घराबाहेर पडतांना छत्री,रेनकोट, विजेरी म्हणजे टॉर्च सोबत ठेवावी.अचानक उद्भवणाऱ्या आपात्कालिन परिस्थिती करीता तलाठी, पटवारी, ग्रामसेवक, तहसिलदार, कृषी सहाय्यक, आरोग्य अधिकारी, फॅमिली डॉक्टर यांचे संपर्क भ्रमणध्वनी क्रमांक प्रत्येक शेतकरी शेतमजूरांनी आपल्याकडे असू द्यावे.असे आवाहन शेतकरी मित्र तथा करंजमहात्म्य परिवाराचे प्रमुख संजय कडोळे यांनी ग्रामस्थ शेतकऱ्याकरीता केले आहे.
आपल्या प्रतिक्रिया द्या....
