कारंजा (लाड)
भगवान महाविर चौक, कारंजा (लाड) येथील रहिवासी स्व.मधुकर रतनलालजी चवरे यांचे वयाच्या ८५ व्या वर्षी २ एप्रिल रोजी दीर्घ आजाराने निधन झाले. निधनानंतर
चवरे कुटुंबाने आपल्यावरील दुखाचा डोंगर बाजुला सारून त्यांची मुलगी सौ राजश्री धनंजय गहाणकरी ,सौ जयश्री समीर जोहरापूरकर, जगदीश चवरे यांच्या पुढाकाराने गरजूंना या जगातील रंग पाहता यावे या उदात्त भावनेने नेत्रदानाचा निर्णय घेतला.
अमरावती येथील दिशा इंटरनॅशनल आय बँक या
धर्मदाय नेत्रपेढीला श्री समीर जोहरापूरकर,धनंजय गहाणकरी,
यांनी संपर्क केला. दिशा इंटरनॅशनल आय बँकेचे सचिव स्वप्निल गावंडे,
हिमांशू बंड व अनिल देशमुख ही मंडळी तात्काळ कारंजा येथे येऊन यांनी मरणोत्तर नेत्रकमळ दान करून घेण्याची प्रक्रिया पूर्ण केली.
यावेळी दिशा ग्रुप कारंजाचे
मार्गदर्शक डॉ अजय कांत, डॉ. विजय जवाहरमलानी, डॉ सुशील देशपांडे,डॉ उल्हास काटोले,शेखर बंग, सदस्य सुदर्शन दर्यापूरकर,प्रज्वल गुलालकरी,सौ मनीषा रायबाकर,बाहूबली रायबाकर,हेमंत चवरे, किरण चवरे,प्रितम गहाणकरी, विजय जिंतूरकर,आनंद चवरे,धीरज गहाणकरी,विवेक गहाणकरी,राहुल चवरे, राजेंद्र खंडारे,सुहास भोंगाडे उपस्थित होते. नेत्रदानाच्या सेवाभावी कार्यासाठी परिवारातील इतर सदस्यांचे मोलाचे सहकार्य लाभले. त्याबद्दल दिशा एजुकेशन फाऊंडेशन व दिशा इंटरनॅशनल आय बँकच्या सर्व संचालक मंडळाने व कार्यकर्त्यांनी चवरे कुटुंबीयांचे आभार व्यक्त केले व स्व.मधुकर रतनलालजी चवरे यांना भावपूर्ण श्रद्धांजली अर्पित करण्यात आली.
भारतासमोर अंधत्व हि फार मोठी समस्या उभी आहे. एका व्यक्तीच्या नेत्रदानामुळे दोन कॉर्नियल अंधांना दृष्टी प्राप्त होऊ शकते. उच्च रक्तदाब, मधुमेह, अस्थमा असे आजार असलेल्या व्यक्तीचे देखील नेत्रदान केले जाऊ शकते तसेच चष्मा असलेले व मोतीबिंदूचे ऑपरेशन झालेल्या व्यक्तीचे सुध्दा नेत्रदान केले जाऊ शकते. मृत्यूनंतर सहा ते आठ तासापर्यंत नेत्रदान केले जाऊ शकते. त्यामुळे मृत्युनंतर ताबडतोब दिशा इंटरनॅशनल आय बँकेला संपर्क करावा. मृत व्यक्तीचे डोळे उघडे असल्यास ते बंद करावे व त्यावर ओले कापसाचे बोळे ठेवावे. मृत व्यक्तीच्या डोक्याखाली २ उशा ठेवाव्या आणि पंखा बंद ठेवावा तसेच ए.सी. असेल तर सुरु ठेऊ शकता.
आपल्या प्रतिक्रिया द्या....
