जिल्हयातील शेकडो वृद्धकलावतांना गेल्या सहा महिन्यापासून मानधन मिळाले नसल्यामुळे कलावंतांची यंदाची दिवाळी अंधारात व उपासमारीत जाणार असल्याचे चिन्हे दिसत आहेत.या कलावंतांना दिवाळीआधीच थकीत मानधन देण्याच्या मागणीसाठी विदर्भ लोककलावंत संघटनेच्या नेतृत्वात व शेकडो कलावंतांच्या उपस्थितीत आज शुक्रवार,दि.२५ ऑक्टोंबर रोजी एकत्र येवून जिल्हाधिकार्‍यांना मागण्यांचे निवेदन देणार आहेत. तरी जिल्हयातील वृद्ध कलावंतांनी दुपारी ०१.०० वाजता जिल्हाधिकारी कार्यालयावर उपस्थित राहण्याचे आवाहन जेष्ठ लोककलावंत संजय कडोळे यांनी केले आहे.
जिल्ह्यातील वृद्ध साहित्यिक कलावंताना राजर्षी शाहू महाराज वृद्ध साहित्यीक कलाकार योजनेंतर्गत दरमहा मानधन मिळण्याच्या मागणीसाठी दिव्यांग जनसेवक संजय कडोळे यांचे नेतृत्वात विदर्भ लोककलावंत संघटनेच्या हजारो वृद्ध कलावंतानी दि.२४ जानेवारी २०२४ रोजी विराट धरणे आंदोलन केले होते.त्याची दखल घेऊन आणि शासन आदेशानुसार जिल्हाधिकारी बुवनेश्वरी यांनी शासकिय अधिकार्‍यांची जिल्हा निवड समिती स्थापन करून दि.४ ते १० मार्च २०२४ पर्यंत सामाजिक न्याय भवन येथे वृद्ध कलावंताच्या कलेचे प्रत्यक्ष सादरीकरण घेऊन २४१ कलावंताची मानधन लाभार्थी म्हणून निवड केली होती. तदनंतर ही निवड यादी समाज कल्याण विभागामार्फत संचालक सांस्कृतिक कार्य संचालनालय जुने सचिवालय विस्तारभवन मुंबई यांचेकडे पाठवली होती. त्यामधील काही वृद्ध कलावंताना गेल्या पाच महिन्याचे दरमहा पाच हजार रुपये प्रमाणे प्रत्येकी पंचविस हजार अशी रक्कम पाठविण्यात आली.परंतु अद्यापही जिल्ह्यातील अनेक कलावंत मानधनाच्या लाभापासून वंचित असल्यामुळे विदर्भ लोककलावंत संघटना कारंजाद्वारे शुक्रवार,दि.२५ ऑक्टोंबर रोजी दुपारी ०१.०० वाजता जिल्हाधिकारी,मुख्य कार्यकारी अधिकारी तसेच जिल्हा समाज कल्याण अधिकारी यांना मागण्यांचे निवेदन देण्यात येणार आहे. तसेच दिपावलीपूर्वी लाभार्थ्याच्या खात्यात मानधन रक्कम देण्याची मागणी करण्यात येणार आहे.तरी ज्या वृद्ध कलावंताना अद्यापपर्यंत मानधनाची रक्कम मिळालेली नाही अशा सर्व कलावंतानी आपल्या आधार कार्ड व बँक पासबुकाच्या झेरॉक्ससह आपआपले विनंतीअर्ज घेऊन उपस्थित राहण्याचे आवाहन विदर्भ लोककलावंत संघटनेच्या वतीने संजय कडोळे यांनी वृद्ध कलावंताना केले आहे.
.jpeg)
.jpeg)
