कारंजा लाड -- कारंजा लाड येथे झालेल्या बैठकीत शिवसेना आमदार भावनाताई गवळी यांनी शिवसैनिकांना आगामी काळात होऊ घातलेल्या जिल्हा परिषद, पंचायत समिती व नगर परिषदेच्या निवडणुकीच्या पार्श्वभूमीवर तयार राहण्याचे आवाहन केले होते.त्या आवाहनाला प्रतिसाद देत कारंजा लाड शहर व तालुक्यातील शिवसेना पदाधिकाऱ्यांची आढावा बैठक नुकतीच पार पडली.
वाशिम येथील शिवसेना कार्यालयात संपन्न झालेल्या ह्या बैठकीत स्थानिक स्वराज्य संस्थेच्या निवडणुकीच्या संदर्भात सखोल विचार मंथन करण्यात आले.यावेळी पदाधिकाऱ्यांनी ह्या निवडणुकीत येणाऱ्या अडचणी भावनाताईंच्या लक्षात आणुन दिल्या.येणाऱ्या सर्व निवडणुका युती मध्येच लढल्या जाणार असून शिवसैनिकांनी पक्षाचे कार्यक्रम,जनतेची केलेली कामे, शेतकऱ्यांसाठी घोषित झालेले पॅकेज जनतेपर्यंत पोहचविण्याचे व जनसंपर्क वाढविण्याचे आवाहन भावनाताईंनी पदाधिकाऱ्यांना केले.युती होईलच पण युतीबाबत वरिष्ठ नेते योग्य तो निर्णय घेतील असा विश्वास बैठकीत व्यक्त झाला.
स्थानिक स्वराज्य संस्थेच्या निवडणुकीसाठी शिवसेना [शिंदे गट] तयार असुन आमदार भावनाताई गवळीं च्या नेतृत्वात शिवसेना ह्या सर्व निवडणुकीत चांगले प्रदर्शन करेल.असा एकमुखी विश्वास व्यक्त केला.
या बैठकीला वाशिम जिल्हा प्रमुख विजयभाऊ खानझोडे,जिल्हा महिला आघाडीच्या प्रमुख सौ. वैशालीताई येळणे,जेष्ठ शिवसैनिक दिलीपभाऊ भोजराज,वाशिम जिल्हा शिवसेना व्हिजेएनटी प्रमुख सुधाकरराव गर्जे,तालुका प्रमुख मंगेश पाटील मुंदे,कारंजा मानोरा विधान सभा समन्वयक राज पाटील चौधरी,शहर प्रमुख अरुण बिकड,कारंजा शहर संघटक ॲड. संदेश जिंतुरकर,तालुका संघटक अतुल दरेकर,युवा सेना प्रमुख शाम पावडे, युवा सेना उपजिल्हा प्रमुख चैतन्य वक्ते,वाशिम जिल्हा महिला आघाडी उपप्रमुख शोभाताई जोगे, युवा सेना कारंजा मानोरा विधानसभा प्रमुख अजय मते, प्रफुल्ल गवई, प्रसन्ना काळबांडे व शुभम भोयर आदी पदाधिकारी उपस्थित होते.
यावेळी दिवाळीनिमित्त आ. भावनाताई गवळी यांना पदाधिकाऱ्यांनी शुभेच्छा दिल्या. एकंदरीत उपस्थित पदाधिकाऱ्यांचा युती करण्याकडे कल असल्याचे जाणवले.असे वृत्त मिळाल्याचे ज्येष्ठ पत्रकार संजय कडोळे यांनी कळवीले.
आपल्या प्रतिक्रिया द्या....
