वाशिम (जिल्हा प्रतिनिधी संजय कडोळे)-
पत्रकारांच्या सर्वागीण विकासासाठी झटणारी सकारात्मक संघटना म्हणून राज्यात नावलौकीक पावलेल्या व्हाईस ऑफ मिडीया साप्ताहिक विंगचे भव्यदिव्य असे एकदिवशीय राज्यव्यापी अधिवेशन येत्या रविवार, १८ जून रोजी छत्रपती संभाजीनगर येथे होवू घातले आहे. अधिवेशनाचे उद्घाटन राजर्षी शाहू परिवाराचे अध्यक्ष संदीपदादा शेळके यांच्या हस्ते होणार असून या अधिवेशनात साप्ताहिकांचे मालक, संपादक आणि पत्रकारांच्या विविध समस्यांवर विचारमंथन होणार आहे. तरी राज्याच्या विविध जिल्हयातील व्हाईस ऑफ मिडीया साप्ताहिक विंगचे जिल्हाध्यक्ष, सर्व पदाधिकारी, सदस्य यांच्यासह इतर सर्व साप्ताहिकांच्या संपादक, प्रतिनिधींनी या महत्वपूर्ण अधिवेशनाला उपस्थित राहण्याचे आवाहन प्रदेशाध्यक्ष विनोद बोरे यांनी केले आहे.
छत्रपती संभाजीनगरातील एमजीएम ट्रस्टमधील विनोबा भावे हॉलमध्ये हे एक दिवसीय राज्यस्तरावरील अधिवेशन नियोजित आहे.वेगवेगळ्या सत्रांमध्ये हे अधिवेशन होणार आहे. पहिल्या सत्रात संदीपदादा शेळके यांच्या हस्ते अन् मान्यवरांच्या उपस्थितीत अधिवेशनाचे थाटात उद्घाटन करण्यात येणार आहे. त्यानंतर साप्ताहिक विंगमधील पदाधिकार्‍यांना नियुक्ती पत्राचे वाटप करण्यात येणार आहे. राज्यातील विविध जिल्ह्यातील कामांचा आढावा यावेळी सादर करण्यात येणार आहे. त्यानंतर विविध विषयांवर ठराव पारित करण्यात येतील. साप्ताहिकांच्या मालक, संपादक, पत्रकारांना अधिवेशनादरम्यान विमा कवच प्रमाणपत्राचे वितरण करण्यात येणार आहे. अधिवेशनाच्या यशस्वीतेसाठी साप्ताहिक विंगची संपूर्ण राज्य कार्यकारिणी कामाला लागली आहे. भव्यदिव्य अशा स्वरुपाचे अधिवेशन व्हावे, यासाठी साप्ताहिक विंगची पूर्ण कार्यकारिणी कामाला लागली आहे. महाराष्ट्रभरातील संपादकांचे अधिवेशन गाजणार आहे. दरम्यान अधिवेशनाचे उद्घाटक संदीपदादा शेळके यांचे व्हॉइस ऑफ मीडियाचे संस्थापक अध्यक्ष संदीप काळे, व्हॉइस ऑफ मीडियाचे प्रदेशाध्यक्ष अनिल म्हस्के यांनी संदीपदादा शेळके यांचे अभिनंदन केले आहे. राज्यभरातून देखिल त्यांच्यावर अभिनंदनासह शुभेच्छांचा वर्षाव सुरू आहे.
----------
व्हॉइस ऑफ मीडिया ही पत्रकारांची अत्यंत सकारात्मक संघटना आहे. या संघटनेचे अल्पावधीतच देशभरात जाळे विणले गेले. राज्यातही या संघटनेचा सर्वाधिक बोलबाला आहे. या संघटनेचे थेट कृती कार्यक्रम विशेष भावतात. छत्रपती संभाजीनगर येथे होणार्‍या संपादकांच्या अधिवेशनाला मला उदघाटक म्हणून आमंत्रित करुन माझा सन्मान वाढविल्याची बाब कायम आठवणीत राहणार आहे.
संदीप शेळके, अध्यक्ष राजर्षी शाहू पतसंस्था
-----------
राजर्षी शाहू परिवाराच्या माध्यमातून संदीप शेळके यांनी राज्य अन् राष्ट्रीय पातळीवरही नावलौकिक मिळविला आहे. उद्योग, सहकार, शिक्षण आदी क्षेत्राच्या माध्यमातून त्यांनी लोककल्याण साधले आहे. सकारात्मक अन् उर्जावान व्यक्तिमत्त्व म्हणून संदीप शेळके यांची ओळख आहे. अशा कर्तृत्त्ववान व्यक्तिमत्त्वाच्या हस्ते व्हॉइस ऑफ मीडिया साप्ताहिक विंगचे अधिवेशनाचे उदघाटन होणार आहे. त्याबद्दल त्यांचे मन:पूर्वक अभिनंदन. त्यांच्या कर्तृत्त्वाचा अभिमान आहे. आनंद आहे. असे वृत्त
विनोद बोरे, प्रदेशाध्यक्ष, व्हॉइस ऑफ मीडिया, साप्ताहिक विंग यांचेकडून मिळाले आहे.
आपल्या प्रतिक्रिया द्या....
.jpg)
