चंद्रपूर : दुर्गापूर परिसरात समता नगर परिसरात बिबट्याने प्रतीक शेषराव बावणे आठ वर्षीय बालकाला उचलून घेऊन नरडीचा घोट घेत ठार केले होते. त्या बिबट्याला पकडण्यात यश आले आहे. वेकोली परिसरात आज 9 एप्रिल रोजी पहाटे च्या सुमारास हा बिबट जेरबंद झाला.
30 मार्च रोजी रात्री नऊ वाजेच्या दरम्यान दुर्गापूर परिसरात समता नगर परिसरात बालक खेळत असताना बिबट्याने उचलून घेऊन गेले. बालकाला फरफटत जंगलात घेऊन त्याचे मुंडके धडावेगळे केले होते.
या घटनेनंतर नागरिकांनी उपक्षेत्रीय कार्यालयावर मोर्चा देखील काढला होता.
घटनेचे गांभीर्य लक्षात घेऊन चंद्रपूर वन विभागाचे विभागीय वन अधिकारी प्रशांत खाडे आणि त्यांच्या पथकाने या परिसरात पिंजरे लावले होते. सतत आठ दिवसापासून या भागांमध्ये गस्त सुरू होती. आज नऊ एप्रिल रोजी पहाटेच्या सुमारास हा बिबट्या वन विभागाच्या पिंजऱ्यात जेरबंद झाला.
