नागपूर :जरीपटका परिसरात घरात घुसून एका ५५ वर्षीय इसमाने १६ वर्षीय अंध मुलीवर अत्याचार केला. ही धक्कादायक घटना शनिवारी दुपारी उघडकीस आली. याप्रकरणी पोलिसांनी विनोद नारायण नरडवार याच्याविरुद्ध अत्याचारासह विविध कलमान्वये गुन्हा दाखल केला. या घटनेमुळे परिसरात खळबळ उडाली आहे. (16 year old blind girl raped in Nagpur)
मुलीची आई व भाऊ खासगी कंपनीत काम करतात. दोघेही कामावर गेल्यानंतर शनिवारी दुपारी पीडित मुलगी घरी एकटीच होती. तिच्यावर अत्याचार करणारा विनोद नारायण नरडवार हा दारू प्यायला होता. ही मुलगी घरात एकटीच असल्याचे हेरून तो मुलीच्या घरात घुसला. त्याने ठार मारण्याची धमकी देऊन मुलीवर अत्याचार केला. त्याच्या आवाजावरून मुलीने विनोदला ओळखले. दुपारी पीडित मुलीची आई कामावरून घरी आल्यानंतर तिने घडलेल्या प्रकाराची माहिती आपल्या आईला दिली. आपल्या मुलीवर अत्याचार झाल्याचे समजताच पीडितेच्या आईच्या पायाखालची जमीनच सरकली.
डित मुलीच्या आईने परिसरातील नागरिकांनाही याबाबत कळले. या घटनेबाबत माहिती मिळताच आजूबाजूच्या नागरिकांच्या तळपायाची आग मस्तकात गेली. संतापलेल्या नागरिकांनी अत्याचारी विनोद नरडवारचा शोध घेण्यास सुरुवात केली. त्याचा शोध घेत असताना विनोद मद्यधुंद अवस्थेत पडलेला दिसला. काहींनी त्याला मारहाणही केल्याची माहिती आहे.
परिसरात गर्दी जमल्याचे कळताच जरीपटका पोलिस स्टेशनचे वरिष्ठ पोलिस निरीक्षक संतोष बाकल यांच्यासह पोलिसांचा ताफा तेथे पोहोचला. पोलिसांनी विनोद नरडवारला ताब्यात घेतले. त्यानंतर त्याला पोलिस स्टेशनमध्ये आणले. प्रकृती खालावल्याचे लक्षात येताच पोलिसांनी विनोदला मेयो रुग्णालयात दाखल केले. सध्या त्याच्यावर उपचार सुरू आहेत.
