मौजे पांडुर्णा ता भोकर तालुक्यातील एक अत्यंत धक्कादायक घटना घडली आहे जन्मदात्या आईने स्वतःच्या दोन चिमुकल्या मुलांचे खून केला असून नंतर त्या दोन्ही मुलांचे प्रेतं जाळून टाकल्याची घटना समोर आली आहे आपल्या आई आणि भावाच्या मदतीनं या महिलेने हे कृत्य केले आहे
तालुक्यातील पांडुर्णा येथील एका निर्दयी आईने दोन चिमुकल्यांचा खून करून,आई व भावाच्या मदतीने पुरावा नष्ट करण्यासाठी त्या दोन्ही चिमुकल्यांना जाळून टाकल्याची धक्कादायक घटना भोकर तालुक्यात ग्रामीण भागात मौजे पांडुर्णा येथे घडली आहे.या प्रकरणी भोकर पोलिसांत ता २ जून रोजी पहाटे दोनच्या सुमारास तिघांविरुद्ध गुन्हा दाखल करण्यात आला आहे प्रमुख आरोपी असलेल्या आईचे नाव धुरपताबाई गणपत निमलवाड वय ३० वर्ष रा मौजे पांडुर्णा ता.भोकर येथील रहिवाशी आहे.आरोपी महिला पांडुर्णा येथे शेत शिवारात आखाड्यावर पती, दोन वर्षीय मुलगा आणि अवघ्या ४ महिन्याच्या मुलीसह रहात होती. तर सासु सासरे दोघे अन्य दुसऱ्या शेतात वास्तव्यास होते आरोपी धुरपताबाई निमलवाड हिने ता ३१ मे ते १ जून च्या सायंकाळी सहा वाजता नंतरच्या कालावधीत मुलगा दत्ता गणपत निमलवाड वय २ वर्षे व मुलगी अनुसया गणपत निमलवाड वय ४ महिने या दोघांचा पांडुर्णा शिवारात खून केला त्यानंतर आरोपी आईने तिची आई कोंडाबाई पांडुरंग राजेमोड व भाऊ माधव पांडुरंग राजेमोड दोघे रा. ब्राम्हणवाडा ता.मुदखेड यांच्या मदतीने दोन्ही मयत लेकरांची प्रेतं जाळून पुरावा नष्ट केला आरोपी आईने अत्यंत धक्कादायक असे हे कृत्य का केले हे अद्याप स्पष्ट झालेले नाही.या बाबत गोविंद दगडुजी निमलवाड यांनी दिलेल्या तक्रारीवरून आरोपी धुरपताबाई गणपत निमलवाड, कोंडाबाई पांडुरंग राजेमोड, माधव पांडुरंग राजेमोड आदी तिघांविरुद्ध गुर न १९५ / ३०२ , २०१ ,३४ भादवी प्रमाणे गुन्हा दाखल करण्यात आला आहे. घटनास्थळाला वरिष्ठ पोलिस अधिकारी पोलीस उपविभागीय अधिकारी अर्चना पाटील , पोलीस निरीक्षक विकास पाटील , पोलीस उपविभागीय कार्यालयातील उमेवार बालाजी , मुधोळे यांनी भेट दिली असून पोलिस निरीक्षक विकास पाटील यांच्या मार्गदर्शनाखाली पोलीस उपनिरीक्षक दिगंबर पाटील हे पुढील तपास करीत आहेत
.jpeg)
.jpeg)
