दिपावली पूर्वीच नगर पालीका हद्दीतील सर्व दिव्यांगांना मिळणार ५% निधीतून मानधन.
कारंजा (लाड) : कारंजा नगर पालीकेच्या दिव्यांग कल्याण विभागात नोंद असलेल्या सर्व वैश्वीक दिव्यांग ओळखपत्र म्हणजेच युडी-आयडी धारक दिव्यांग बंधू भगीनींना ,शासनाच्या ५% विकास निधीमधून दिपावलीपूर्वी, दिव्यांगांच्या हक्काचे मानधन मिळावे यासाठी गेल्या सहा महिन्यापासून,महाराष्ट्र दिव्यांग संस्था कारंजा मार्फत अध्यक्ष तथा महाराष्ट्र शासन पुरस्कार प्राप्त दिव्यांग जनसेवक ज्येष्ठ पत्रकार संजय कडोळे यांनी नगर पालिकेकडे मागणी लावून धरलेली होती. अखेर नुकतेच काही महिन्यांपूर्वी कारंजा नगर पालीकेला लाभलेल्या,हजरजवाबी तथा कर्तव्यतत्पर मुख्याधिकारी महेश वाघमोडे यांनी कारंजा नगर पालिकेचा मुख्याधिकारी म्हणून पदभार सांभाळल्यानंतर त्यांनी नगर पालिकेच्या दिव्यांग विभागाची पाहणी करून,दिव्यांग बांधवांची दिवाळी गोड करण्यासाठी नगर पालीकेच्या विकास निधी मधून दिव्यांगाच्या ५% राखीव निधी मधून प्रत्येक दिव्यांगाना दिवाळीपूर्वी मानधन देण्याची तत्परतेने कार्यवाही सुरू केल्याची विश्वसनीय माहिती मिळाली आहे.त्यामुळे मुख्याधिकारी महेश वाघमोडे यांच्या या सकारात्मक कार्याबद्दल त्यांचे आभार मानण्याकरीता कारंजा येथील महाराष्ट्र दिव्यांग संस्था कारंजाचे अध्यक्ष तथा महाराष्ट्र शासन पुरस्कार प्राप्त ज्येष्ठ पत्रकार संजय कडोळे यांनी सोमवार,दि. १३ ऑक्टोंबर २०२५ रोजी त्यांची सदिच्छा भेट घेऊन त्यांना संस्थेतर्फे पुष्पगुच्छ व 'आभार-पत्र' देवून त्यांच्या दिव्यांग कल्याणाच्या भावनिक कार्याचा गौरव केला.यावेळी संस्थेचे पदाधिकारी हसन पटेल, प्रदिप वानखडे,सैयद हारुण सैयद हनिफ,उमेश अनासाने, कैलास हांडे,रोहीत महाजन आदी उपस्थित होते.
.jpeg)
