दारव्हा (वाशिम जिल्हा प्रतिनिधी) : कारंजा ते श्रीक्षेत्र धामणगाव देव रस्त्यावरील रामगाव (रामेश्वर) या खेडे गावाला परिसरातील अडाण नदीच्या महापुराने विळखा घातला असून,अख्खे गावच जलमय होऊन,प्रत्येकाच्या घरादारात पाणी शिरले असून, घरातील अन्नपदार्थ,भांडीकुंडी महापूरामध्ये वाहून गेल्याची बातमी आहे.सोबतच परिसरातील, भाविकांची पंढरी असलेल्या धामणगाव (देव) रस्ता बंद झाला असून, अतिवृष्टिने धामणगाव देव व इतरही ग्रामस्थाच्या शेतजमिनी वरील पिकांचे अतोनात नुकसान झाले आहे.त्यामुळे सदर्हू गावाचे पुनर्वसन करण्याची मागणी रामगाव रामेश्वर येथील गावकरी मंडळीनी दारव्हा दिग्रस विधानसभा मतदार संघाचे विद्यमान आमदार तथा मृदसंधारण मंत्री संजय भाऊ राठोड यांच्या कडे लावून धरली आहे.
