सुरक्षित नसलेल्या,गोमाता असलेल्या गायीचे संरक्षण करणे ही आजच्या काळाची गरज. -आमदार सईताई डहाके.
कारंजा:- कारंजा पांजरापोळ गोरक्षण संस्थेत वसुबारस निमित्ताने दिनांक १७ ऑक्टोबर रोजी गोमाता पूजन व महाआरतीचे भव्य आयोजन करण्यात आले होते.
या प्रसंगी कारंजा मानोरा विधानसभा मतदार संघाच्या आमदार श्रीमती सईताई डहाके , उपविभागीय अधिकारी कैलास देवरे, तहसीलदार कुणाल झाल्टे , भारतीय स्टेट बँकेचे शाखाधिकारी संग्राम पाटील, गुरु मंदिरचे कोषाध्यक्ष बाबासाहेब पारसकर ,मोहन गुंजाटे , कृषि उत्पन्न बाजार समितीचे संचालक दिनेश राठोड गोरक्षण संस्थेचे अध्यक्ष ब्रिजमोहन मालपाणी,सचिव आशिष तांबोळकर ,पत्रकार योगेश यादव,कृष्णकुमार लाहोटी,अभय खेडकर, ज्येष्ठ पत्रकार संजय कडोळे, जिग्नेश लोढाया, बिपीन वाणी तसेच उपस्थितांचे हस्ते मंत्रोच्चारात गोमातेचे पूजन केले तदनंतर गोमातेची महाआरती करण्यात आली.
संस्थेचे सचिव आशिष तांबोळकर यांनी संस्थेचे कामाविषयी माहिती देऊन सद्यस्थितीत गोरक्षण मध्ये ४५० गोवंश असल्याचे सांगून गोवंशा करीता पलाना येथे तीन मोठे शेड बांधण्यात आल्याचे सांगून , एक भव्य चारा शेड उभारल्याचे व पिण्याचे पाण्याकरिता विहिरीचे बांधकाम सुरू असल्याचे तसेच नवीन शेड मध्ये गव्हाणी चे बांधकाम सुरू असून त्याकरिता सहकार्य करण्याचे आवाहन केले, संस्थे मध्ये असलेले गोवंशा मध्ये मोठ्या प्रमाणात कत्तली साठी जाणाऱ्या गोवंशाचा समावेश असल्याचे नमूद केले, डॉ सुशील देशपांडे यांनी गोमातेची महती विषद केली तर तहसीलदार कुणाल झाल्टे यांनी गोमातेचे दूध,शेण गोमूत्र यांचे संशोधनातून मोठमोठे रोग निर्मूलन होत असल्याचे म्हटले तसेच गोरक्षणला नियमित भेट देत असल्याचे सांगून गोरक्षणाचे काम उत्कृष्ट सुरू असल्याचे विषद केले , आमदार सईताई डहाके यांनी वसुबारस निमित्त सर्वांना शुभेच्छा दिल्यात व गोमातेचे पूजन केल्याने तेहतीस कोटी देवांचे पूजन केल्याचे पुण्य लाभते. व गोरक्षण संस्थेमुळे दरवर्षी वसु बारस निमित्ताने गोमातेचे पूजनाचे भाग्य कारंजातील नागरिकांना लाभत असल्याचे सांगून, गाय ही आपली माता आहे. गायीचे संरक्षण करणे आजच्या काळाची गरज आहे असे सांगून, कत्तलखाने बंद करण्याकरिता उपाययोजना करण्यासाठी शासन दरबारी पाठपुरावा करणार असे स्पष्ट केले. वसुबारस कार्यक्रमास शहरातील बहुसंख्य गोप्रेमी, सामाजिक कार्यकर्ते व पर्यावरण प्रेमी,पत्रकार मोठ्या संख्येने उपस्थित होते कार्यक्रमाचे यशस्वितेसाठी ,सुरेख आयोजनाकरिता गोरक्षण संस्थेचे पदाधिकारी व व्यवस्थापक अनिल वानखडे यांनी परिश्रम घेतले याप्रसंगी कृष्णकुमार लाहोटी यांनी रुपये २१०००/ , अलका ट्रेडर्स बंग परिवार यांनी रुपये २१०००/ श्री गुरु मंदिर संस्थान रु ११०००/ राजेश अटल यांचे तर्फे रु ११०००/ ची राशी गोरक्षण चे सुरू असलेल्या कामासाठी देणगी दिली
आपल्या प्रतिक्रिया द्या....
.jpeg)
.jpg)
