कारंजा (लाड) स्थानिक आविष्कार महिला मंचाच्या महिलांनी सामाजिक कार्याच्या उद्देशाने केवळ शहरातच नव्हे तर तालुक्यात आपले खूप मोठे संगठन तयार केले असून अविष्कार अंतर्गत, प्रत्येक महिन्याला आविष्कार महिला सदस्य असलेल्या प्रत्येक महिला सदस्याच्या वाढदिवसाचे औचित्य साधून, हे महिला मंडळ,वायफळ खर्च न करता, निःस्वार्थ भावनेने आपल्या सभोवतालच्या वयोवृद्ध, दुर्धर आजारग्रस्त, गोरगरीब, दिव्यांग,अस्थिव्यंग,अंध निराधार असलेल्या समाजाच्या घटकांसोबत सामाजिक उपक्रम राबवून अभिनव पद्धतीने आपला वाढदिवस समाजाच्या सेवेसाठी कामी येवून साजरा करीत असतात. आतापर्यंत निवडक आविष्कार महिला सदस्य यांनी आपल्या जन्मदिवसा निमित्य वृद्धाश्रमामध्ये वयोवृद्ध व्यक्तींना शाल व एक दिवसीय भोजन तथा नोकरी भरती निमित्य तयारी करीत असलेल्या अनेक मुलींना स्पोर्ट सॉक्स तथा अनेक मुलींचे कन्या पूजन करून वाढदिवस साजरे केले आहेत. तर चालू महिन्यात ऑक्टोबर महिन्यात वाढदिवस असलेल्या महिला सौ. श्रद्धा रगडे,राधाताई मुरकुटे,शारदा ताई भुयार तथा सिमाताई सातपुते, नीता ताई पापळकर यांच्या वाढदिवसानिमित्य नुकतेच गजानन महाराज अपंग विद्यालय भिलखेडा येथे सदिच्छा भेट देऊन अपंग विद्यार्थ्यांसोबत संवाद साधून विद्यार्थ्यांना आवश्यक असलेली वस्तू भेट स्वरूपात देऊन व सर्व अपंग विद्यार्थ्यांना मिष्टान्नाचा अल्पोपहार देऊन साजरा केला आहे. याप्रसंगी मिळालेल्या सामुहिक भेट वस्तूमुळे सर्व दिव्यांग विद्यार्थी आनंदी व समाधानी दिसून आले. त्यांच्या चेहऱ्यावरील फुललेले हास्य हे नि:शब्द होते. विशेष म्हणजे अविष्कार महिला मंचाच्या या कार्यक्रमाला राजर्षी शाहू महाराज समाजभूषण पुरस्कार प्राप्त दिव्यांग समाजसेवक तथा ज्येष्ठ पत्रकार संजय कडोळे, अविष्कारचे संस्थापक अश्विन जगताप,सामाजिक कार्यकर्ते प्रदिप वानखडे, गजानन अपंग विद्यालयाचे मुख्याध्यापक, शिक्षक,शिक्षीका व अविष्कार महिला मंचाच्या सर्व महिला पदाधिकारी उपस्थित होत्या. यावेळी मनोगत व्यक्त करतांना, "समाजाचा घटक असलेल्या प्रत्येक मान्यवरांनी, अविष्कार महिला मंचाचा आदर्श घेवून, आपला जन्मदिवस अशा प्रकारे साजरा केल्यास,निरागस फुलांना नवसंजीवनी मिळेल." असे प्रतिपादन राजर्षी शाहू महाराज समाजभूषण पुरस्कार प्राप्त दिव्यांग जनसेवक जेष्ठ पत्रकार संजयजी कडोळे यांनी व्यक्त केले. सदर कार्यक्रमासाठी अध्यक्ष. सौ. शीतल काकडे यांचेसह सौ. एकता गायकवाड,मेघा गुल्हाने, राणी म्हातारमारे, निशा राय, सुलोचना मुंदे,निशा गोलेच्छा, राधाताई मुरकुटे,कविता पाटील, स्नेहा जैन, कामक्षा सोने, सारिका चतुरकर, शुभांगी जैन सौ श्रद्धा रगडे, सौ शारदा भुयार आणि कार्यकारिणीचे खुप मोठे योगदान मिळाले. सर्वांच्या सहकार्यामुळे असे नवनवीन उपक्रम आविष्कार महिला मंच राबविणार असल्याचे महिला मंडळीनी कळविले आहे.
.jpg)
