चंद्रपूर : उन्हाळ्याचे दिवस असल्याने घरात लावलेल्या कुल्लरला साडेपाच वर्षीय चिमुकल्याचा घरात खेळत असताना हात लागल्याने जोरदार विद्यूत शॉक लागून करूण अंत झाल्याची हद्रयद्रावक घटना चंद्रपूर जिल्ह्यातील मुल येथे घडली आहे. युग महेश जेंगठे असे चिमुकल्याचे नाव आहे. या घटनेने सर्वत्र हळहळ व्यक्त होत आहे.
मुल येथील मॉ ट्रॅव्हल्सचे संचालक तथा राष्ट्रवादी काँग्रेस पार्टीचे पदाधिकारी महेश जेंगठे यांचें वार्ड नं. 17 मधील संत गजानन महाराज मंदिर परिसरात कुटुंबीयांसह वास्तव्यास आहेत. उन्हाळ्याचे दिवस असल्याने त्यांनी घरी कुल्लर सुरू केला आहे. आज गुरूवारी महेश जेंगठे ह्यांचा साडेपाच वर्षीय मुलगा युग हा नेहमी प्रमाणे अंगणात मोठा भाऊ प्रेम आणि इतर मित्रांसोबत सकाळी साडे अकराचे सुमारास खेळत होता. खेळता खेळता अचानक चिमुकल्याचा हात सुरू असलेल्या कुलरला लागला. त्यामुळे त्याला विजेचा जोरदार धक्का लागला. विद्यूत शॉक लागताच काही वेळातच त्या चिमुकल्याचा जागीच करूण अंत झाला. घटनेनंतर त्याला तातडीने स्थानिक उपजिल्हा रूग्णालयात उपचारा करीता नेण्यात आले. परंतु वैद्यकीय अधिकाऱ्यांनी त्याला मृत घोषीत केले.
मृतक चिमुकला युग हा येथील सेंट अँन्स हायस्कुलचा केजी 2 मध्ये शिकत होता. उन्हाळयाच्या सुट्टयामध्ये तो मागील महिनाभरापासून घरीच राहत होता. विजेच्या धक्याने चिमुकल्या युगचा मृत्यु झाल्याने जेंगठे कुटूंबियांवर शोककळा पसरली आहे. चिमुकल्याच्या मृत्यूने सर्वत्र हळहळ व्यक्त करण्यात येत आहे.
