सावली वनपरिक्षेत्रातील व मूल तालुक्यात येत असलेल्या टेकाडी येथे मंगळवार, 9 सप्टेंबर रोजी सुनील गेडाम यांच्या पोल्ट्री फार्मच्या बाजुच्या शेतातील झुडपात दडून बसलेला बिबट मृतावस्थेत आढळून आला.
टेकाडी येथे मंगळवारी एक बिबट शेतातील झुडपात दडून बसल्याची माहिती माहिती वनरक्षकांना मिळाली. या माहितीच्या आधारे चंद्रपूर वनविभागाचे विभागीय वनाधिकारी तलमले, सहाय्यक उपवनसंरक्षक तरसे, सावलीचे वनपरिक्षेत्र अधिकारी धुर्वे यांच्या सुचनेनुसार त्या बिबट्याला पकडण्याचा निर्णय घेण्यात आला.
चंद्रपूर टीटीसीचे डॉक्टर तथा अतिशीघ्र कृती दलाचे कर्मचारी, वनकर्मचारी व संजीवन पर्यावरण संस्थेचे सदस्य घटनास्थळी दाखल झाले. यावेळी बिबट्याला बेशुद्ध करून सुरक्षितपणे पकडण्याची तयारी करण्यात आली. परंतु, झुडपात पाहणी करीत असताना तो बिबट आधीच मृत झाला होता. Death of a leopard ही माहिती वरिष्ठ वनाधिकार्यांना देण्यात आली. मृत बिबट्याला सावली वनपरिक्षेत्र कार्यालयात नेण्यात आले व तिथे डॉ. कुंदन पोडचलवार यांनी त्या मृत बिबट्याचे सहाय्यक उपवनसंरक्षक व वनपरिक्षेत्र अधिकारी यांच्या समक्ष शवविच्छेदन केले. नंतर त्या बिबट्याचे दहन करण्यात आले.
यावेळी डॉ. कुंदन पोडचलवार, क्षेत्र सहाय्यक एन. एस. सिडाम, वनरक्षक एस. डब्लू. बोनलवार, वनरक्षक लंकेश आखाडे, अतिशीघ्र कृती दलाचे शुटर अविनाश फुलझेले, किशोर डांगे, मनोज चावरे, अंकीत पडगेलवार, संजीवन पर्यावरण संस्था, मूलचे उमेशसिंह झिरे, तरूण उपाध्ये, तन्मयसिंह झिरे, हौशिक मंगर, अक्षय दुम्मावार, टेकाडी पीआरटीची टीम व सहाय्यक वनमजूर उपस्थित होते.
