ब्रम्हपुरी:-
गुरुवार दि. ११ मे ला संपुर्ण भारतात पत्रकारांचे त्यांच्या न्यायिक हक्कासाठी आंदोलन होणार असून ब्रम्हपुरी येथेही तहसील कार्यालयासमोर आंदोलन करण्यात येणार आहे.
जिल्ह्याच्या ठिकाणी जिल्हाधिकारी, उपजिल्हाधिकारी, यांना तर तहसीलच्या ठिकाणीं तहसीलदार कार्यालया समोर ३ तासाचे धरणे आंदोलन करण्यात येणार आहे.
काय आहेत मागण्या
१) पत्रकारांसाठी स्वतंत्र कल्याणकारी महामंडळ स्थापन करुन त्याला भरीव निधी द्यावा.
२) पत्रकारितेत ५ वर्ष पुर्ण केलेल्या पत्रकारांना सरसकट अधिस्वीकृती पत्रिका देण्यात यावे.
३) वृत्तपत्रांना सध्या जाहिरातीवर लागु असलेली जीएसटीची अट रद्द करावी.
४) पत्रकारांच्या घरांसाठी विशेष बाब म्हणून शासकीय भूखंड देण्याचा निर्णय घ्यावा.
५) कोरोनात जीव गमावलेल्या पत्रकारांना फ्रंट लाईन वर्कर चा दर्जा देऊन त्यानुसार मयत पत्रकारांच्या कुटुंबांचे पुनर्वसन करावे.
६) शासनाचे सध्याचे जाहिरात धोरण क वर्ग दैनिके (लघु दैनिक) यांना मारक आहे. लघु दैनिकांनाही मध्यम (ब वर्ग) दैनिकां इतक्याच जाहिराती देण्यात याव्यात. साप्ताहिकांनाही त्या प्रमाणात जाहिराती द्याव्यात.
असे होणार आंदोलन
१) आंदोलन सकाळी ११ वाजता होणार आहे.
२) आंदोलनात कोणत्याही घोषणा देणार नाही किंवा काळया फितीही लावण्यात येणार नाही.
३) दर्शनी भागात आंदोलनाचे बॅनर असेल.
४) एकत्रीकरण आणि भाषणे यांचा समावेश धरणे आंदोलनात असेल
५) आंदोलनाला आपल्या परिसरातील लोकप्रतिनिधी आणि विविध राजकीय सामाजिक कार्यकर्ते भेट आणि पाठिंबा देतात काय हे तपासून पाहण्यात येईल.
६) लोकप्रतिनिधींना निवेदन देण्यात येणार आहे.
७) शेवटी जिल्हा प्रशासनाला , तालुका पातळीवर उपविभागीय अधिकारी किंवा तहसीलदार यांना निवेदन देण्यात येणार.
आपल्या प्रतिक्रिया द्या....
