मालेगाव तालुक्यातील करंजी (लहाने) या ग्रामखेड्याचे भूमिपुत्र असलेले गणेश पाटील लहाने हे साप्ताहिक शिवनीतीचे उपसंपादक,संध्या दैनिक उज्वल मालेगावचे वाशिम जिल्हा प्रतिनिधी, एबीके न्यूज चॅनल मालेगाव तालुका प्रतिनिधी,व्हॉइस ऑफ मीडिया साप्ताहिक विंग तालुका अध्यक्ष असून, गणेश पाटील लहाने यांनी पत्रकारीता क्षेत्र,साहित्य क्षेत्र,लघु चित्रपट क्षेत्र व सामाजिक क्षेत्रात भरीव कामगीरी केलेली आहे. त्यांनी लिहिलेले नाटक "दारूची नशा-जीवनाची दुर्दशा" लघु चित्रपट "धुऱ्याचा वाद-शेतकरी बरबाद" "बा महा लगीन करा" हे त्यांचे नावाजलेले लघु चित्रपट होत.आणि त्यांनी लिहिलेले "तुम्हीच सांगा पाहुणे हे बरोबर आहे का ?" हा प्रसिद्ध लेख असे अनेक क्षेत्रात उल्लेखनीय कार्य केल्याबद्दल त्यांच्या कार्याची दखल घेऊन त्यांची निवड,महाराष्ट्र भूषण पुरस्कारासाठी वैदर्भिय नाथ चॅरिटेबल ट्रस्टच्या सामाजिक विभागाच्या वतीने, "महाराष्ट्र-भूषण" ह्या राज्यस्तरीय पुरस्काराकरीता करण्यात आली आहे. दि २३ फेब्रुवारी रोजी त्यांना सदर पुरस्काराने सन्मानित करण्यात येणार असून,वैदर्भीय नाथ चॅरिटेबल ट्रस्टद्वारा, महेश भवन कारंजा येथे दिनांक २३ फेब्रुवारी २०२५ रोजी,सन्माननिय मंत्री महोदय तथा जिल्ह्यातील आमदाराच्या उपस्थितीत आयोजित राज्यस्तरीय पुरस्कार सोहळ्यामध्ये,भूमिपुत्र गणेश पाटील लहाने यांना आकर्षक सन्मान चिन्ह, मेडल,दुपट्टा,सन्मानपत्र, मानाचा फेटा,व पुष्पगुच्छ देऊन सन्मानित करण्यात येणार आहे,त्याबद्दल गणेश पाटील लहाने यांचे विदर्भ लोककलावंत संघटना कारंजाचे अध्यक्ष संजय कडोळे यांनी अभिनंदन केले असून, त्यांच्यावर विविध क्षेत्रातून सुद्धा अभिनंदन आणि शुभेच्छांचा वर्षाव होत आहे,
