वाशिम, (जिल्हा प्रतिनिधी संजय कडोळे) दिव्यांग नागरिकांमध्ये विविध प्रवर्गातील दिव्यांग आहेत. त्यातील अनेक दिव्यांग विभागीय स्तरावर जाऊन आपली तक्रार नोंदवु शकत नाहीत.त्यामुळे शासनाने दिव्यांगांना आपल्या अडचणी मांडण्यासाठी उपाययोजना केली,तर त्यांच्यासाठी महत्वाचे ठरेल. त्यामुळे जर शासनच अशा दिव्यांग बांधवांच्या दारी गेले तर खऱ्या अर्थाने दिव्यांगांची सेवा होवु शकते हा हेतु ठेवुन,जिल्हा स्तरावर शासनाचे सर्व विभागाचे अधिकारी,सर्व शासकिय यंत्रणा एकाच ठिकाणी उपस्थित राहुन दिव्यांगाच्या तक्रारी जाणुन घेवून त्याच ठिकाणी कामाचा निपटारा करता येईल.याकरीता दिव्यांग कल्याण विभाग दिव्यांगाच्या दारी शिबीर आयोजित करण्यात आले आहे.
दिव्यांगांना दैनंदिन जीवनामध्ये बऱ्याच अडचणींचा सामना करावा लागतो.तसेच शासकिय योजनांचा फायदा घेण्यास आवश्यक असणारी प्रमाणपत्रे प्राप्त करण्यासाठी बराच त्रास सहन करावा लागतो.दिव्यांगाना आवश्यक असणारी सर्व प्रमाणपत्रे जसे की,दिव्यांगत्वाचे युडीआयडी प्रमाणपत्र,शेतजमिनीशी संबंधित कागदपत्रे,जात प्रमाणपत्र व अन्य आवश्यक ती प्रमाणपत्रे प्राप्त करण्यासाठी त्रास सहन करावा लागतो.याच अनुषंगाने हे शिबीर दि. ४ आक्टोंबर २०२३ऑक्टोबर रोजी तिरुपती लॉन, शासकिय तंत्रनिकेतन समोर,रिसोड रोड वाशिम येथे शिबीर आयोजित करण्यात आले असून,सदर कार्यक्रमाला दिव्यांगाचे भाग्यविधाता,दिव्यांग मंत्रालयाचे निर्माते तथा अध्यक्ष (मंत्रीपद दर्जा) मा. बच्चुभाऊ कडू यांची प्रमुख उपस्थिती असणार आहे. त्यांचे मार्गदर्शनात शिबीराकरीता जिल्ह्यातील एकुण ३५ शासकीय यंत्रणेचा सहभाग आहे.दिव्यांगांना सेवा देण्याकरीता विविध योजनांचे स्टॉल लावण्यात येणार आहे.हे शिबीर दि.४ ऑक्टोबर २०२३ रोजी सकाळी ९ वाजता सुरु होणार आहे.जिल्हयातील सर्व दिव्यांगांनी लाभ घ्यावा.असे आवाहन जिल्हाधिकारी बुवनेश्वरी एस.आणि जिल्हा समाज कल्याण अधिकारी मारोती वाठ यांनी केले आहे.तरी कारंजा तालुक्यातील जास्तित जास्त दिव्यांगानी सदरहु दिव्यांग मेळाव्याचा लाभ घ्यावा.असे वृत्त जय प्रहार दिव्यांग क्रांती आंदोलन संघटना कारंजाचे तालुकाध्यक्ष ब्रम्हदेव पाटील बांडे, कारंजा मानोरा विधानसभा मतदार संघाचे अध्यक्ष,दिव्यांग जनसेवक संजय कडोळे तथा तालुका व शहर पदाधिकारी यांनी दिले आहे.
.jpeg)
.png)
.jpeg)
