कारंजा (लाड) :* कारंजा येथे सोमवार दि.11 नोहेंबर 2024 रोजी दुपारी 01:00 वाजता, स्थळ : रेस्ट हाऊस मागील मैदान अमर पिच, मानोरा रोड कारंजा येथे,श्रध्देय बाळासाहेब आंबेडकर यांच्या विराट अशा प्रचार सभेचे भव्य आयोजन करण्यात आले असून श्री सुनिल पाटील मित्र मंडळ कारंजा व वंचित बहुजन आघाडीकडून कारंजा-मानोरा मतदार संघातील जनतेला लाखोच्या संख्येत उपस्थित राहण्याचे आवाहन करण्यात आले आहे.या संदर्भात अधिक वृत्त असे की,कारंजा मानोरा मतदार संघामध्ये,जनतेच्या सुखदुःखात त्यांच्या हाकेला ओ देणारे कर्तव्यतत्पर,विश्वासू आणि चारित्र्यवान असलेले तसेच सहकार क्षेत्राशी निगडीत असलेले सुनिल बाबासाहेब धाबेकर यांच्या सारखे तगडे उमेदवार मिळाल्यामुळे वंचित बहुजन आघाडीच्या आशा प्रफुल्लीत झालेल्या आहेत. सध्या कारंजा मानोरा विधानसभा मतदार संघामध्ये महायुती आणि महाविकास आघाडी अशा दोन्ही पक्षांनी कारंजा मानोरा विधानसभा मतदार संघातील जनतेचा भ्रमनिराश केल्याचे चित्र दिसून येत असल्याने नागरीक मतदार निवडणूकीबाबत संभ्रमात होते.अशातच माजी मंत्री स्व.बाबासाहेब धाबेकर यांचे चिरंजीव सुनिल पाटील धाबेकर यांना महाविकास आघाडीकडून ऐनवेळी उमेदवारी पासून वंचित ठेवल्यामुळे त्यांनी अपक्ष निवडणूक लढवावी अशी मागणी पुढे आली होती.असे असतांना श्रध्देय बाळासाहेब आंबेडकर यांनी सुनिल पाटील धाबेकर यांना वंचित बहुजन आघाडीची उमेद्वारी देवून भक्कम आधार दिला.
त्यामुळे मतदार संघात सर्वधर्म समभावाचे वेगळे समिकरण तयार होऊन सुनिल पाटील धाबेकर यांचा विजय निश्चित झाला असल्याचे बोलले जात आहे.कारंजा मानोरा विधानसभा मतदार संघात स्व.बाबासाहेब धाबेकर यांनी येथील आमदार तथा राज्यमंत्री असतांना,विकासाची अनेक कामे पूर्ण केली असल्यामुळे आणि विशेषतः मतदार संघातील सर्वच जातीधर्मातील गरजू गोरगरीब मध्यमवर्गीय लोकांना न्याय मिळवून दिला असल्यामुळे कारंजा मानोरा मतदार संघात फार मोठ्या प्रमाणात त्यांचा चाहता वर्ग व मित्रमंडळी आजही आहेत.त्यामुळे सुनिल पाटील धाबेकर यांच्या मागे जनता एकनिष्ठ पणाने ऊभी आहे.व त्यांच्या विजयाची सर्वांना खात्री आहे.त्यांच्या विजयाकरीता मतदार संघातील जनता उत्स्फूर्तपणे प्रचाराला लागलेली असून,सोमवार दि.11 नोहेंबर 2024 रोजी,मानोरा मार्गावरील रेस्ट हाऊस मागे अमर पिच क्रिकेट मैदानावर श्रध्देय बाळासाहेब आंबेडकर यांच्या विराट अशा प्रचारसभेचे आयोजन करण्यात आले असून मतदार संघातील जनतेने बहुसंख्येने उपस्थित राहण्याचे आवाहन वंचित बहुजन आघाडीचे जिल्हाध्यक्ष, तालुकाध्यक्ष,शहराध्यक्ष व सर्वच कार्यकर्त्यांकडून करण्यात आल्याचे वृत्त सुनिल पाटील धाबेकर यांचे निकटवर्ती प्रदिप वानखडे यांनी महाराष्ट्र राज्यस्तरिय पत्रकार परिषदेचे अध्यक्ष संजय कडोळे यांना कळवीले आहे.
