कारंजा (लाड):-प्रभात किड्स अकोला येथे आयोजित इन्स्पायर अवार्ड विज्ञान प्रदर्शनात कारंजा तालुक्यातील जि.प.विद्यालय कामरगावच्या राधिका विकास देशमुख या विद्यार्थिनीने तयार केलेल्या मॅजिकल कार कॅप
मुळे अनेकांचे प्राण वाचणार आहेत.तिच्या या अभिनव अशा प्रतिकृतीची निवड राज्यस्तरावर होणाऱ्या इन्स्पायर अवार्ड प्रदर्शनीकरीता झाली आहे. अनेक कारणांमुळे वाहनांचे अपघात नेहमीच होत असतात अपघातांमध्ये प्राणहानी आणि वित्तहानी या दोन्ही होत वाहन अपघातामध्ये डुलकी लागल्यामुळे अपघात घडण्याचे प्रमाणिक काही कमी नाही.डूलकी लागल्यामुळे झालेल्या अपघातात तीन ठार ही बातमी पाहून व्यथीत झालेल्या राधिकांने आपला शिक्षिका निता तोडकर व शिक्षक गोपाल खाडे यांच्याशी चर्चा करून डूलकी लागताचं सजग करणारी यंत्रणा अगदी स्वस्त दरात तयार केली आहे.मार्गदर्शक शिक्षिका नीता तोडकर व गोपाल खाडे यांच्या मार्गदर्शनात राधिकाने ही यंत्रणा विकसित केली आहे.शाळेचे मुख्याध्यापक प्रा.सुरेश राठोड व इन्स्पायर वाशिम जिल्हा समन्वय विजय भड यांनी राधिकाचे विशेष कौतुक केले.वाहन चालवताना वाहन चालकाला डुलकी लागल्यास त्याला सजग करणारी यंत्रणा म्हणजे मॅजिकल कार कॅप. ही प्रतिकृती, प्लास्टिक ही विजेची दुर्वाहक आहे या शास्त्रीय तत्त्वावर काम करते. प्रथम बजर घ्या आणि वायर्सच्या साहाय्याने बॅटरीला जोडा.कोणत्याही मोबाईलच्या व्हायब्रेटरचा वापर करून तो एका छोट्या प्लास्टिकच्या बॉक्समध्ये ठेवा आणि वायर्सच्या सहाय्याने बॅटरीशी जोडला.अशा प्रकारे व्हायब्रेटर टोपीच्या आत मधे जोडा.नंतर बॅटरीला इंडिकेटर जोडला. शाळेच्या पिशवीच्या वापरात नसलेल्या पट्टयाला पाईप जोडा. 4 से.मी.लांबीचे गोल लाकडी गोल ठोकळे घेतले. पाईपच्या दोन्ही टोकांना 2 स्प्रिंग जोडले. नंतर लाकडी तुकड्याच्या दोन्ही टोकांना 2 वायसर ठोकले व स्प्रिंग जोडले आणि ते वायरने जोडले.ही क्रिया दुसऱ्या लाकडी तुकड्याला पण केली.प्लॅस्टिकच्या पट्ट्या घ्या आणि त्यावर एक धागा बांधा .त्यानंतर प्लॅस्टिकचा तुकडा गोल लाकडी तुकड्यांमध्ये ठेवा आणि वीजपुरवठा खंडित केला जातो.हे उपकरणे वापरण्यासाठी तयार आहे. जेव्हा वाहन चालक कोणतेही वाहन चालवण्यास स्टेआरिंगवर बसतात.
त्याचवेळी त्याला ही टोपी घालायला सांगितले जाते जेव्हा वाहन चालक वाहन चालवताना डुलकी घेतो तेव्हा पाईपमध्ये वीजपुरवठा खंडित करण्याकरता टाकलेली प्लॅस्टिकची पट्टी बाहेर येते.त्यानंतर विद्युत प्रवाह सुरू होतो आणि व्हायब्रेटरमध्ये निर्माण झालेल्या या कंपनांमुळे, इंडिकेटर लागल्याने व बजर वाजल्याने वाहन चालकाला संदेश मिळाल्यामुळे तो जागा होतो.हे अगदी स्वस्त दरात तयार होऊ शकते,लागणारे साहित्य परिसरातून उपलब्ध होते,घरी सहजतेने तयार करता येते,बस ट्रक लक्झरी बसेस यामध्ये सदर यंत्रणा लावल्याने प्राणहानी वाचू शकते. अवघ्या शंभर ते दोनशे रुपयात तयार होणाऱ्या या प्रतिकृतीमुळे अनेकांचे प्राण वाचू शकतात असे मनोगत राधिका देशमुख हिने व्यक्त केले. तिच्या अभिनव अशा प्रतिकृतीची राज्यस्तरावर होणारा इन्स्पायर अवार्ड प्रदर्शनीकरीता झाली आहे. पाटील समारोपिय कार्यक्रमात राधिका देशमुख गोपाल खाडे यांची राज्यस्तरावर निवड झाल्याबद्दल अमरावती विभागाचे शिक्षण उपसंचालक डॉ.शिवलिंग पटवे,डॉ.राधा अतकरी संचालक, राज्य विज्ञान शिक्षण संस्था, नागपूर, प्रमुख अतिथी प्रवीण राठोड अधिव्याख्याता राज्य विज्ञान शिक्षण संस्था, नागपूर तसेच डॉ. सुचेता पाटेकर शिक्षणाधिकारी,माध्यमिक जि.प. अकोला, कार्यक्रमाचे अध्यक्ष प्रभात किड्स स्कूलचे संचालक डॉ. गजानन नारे यांच्यासह जिल्हा विज्ञान पर्यवेक्षक प्रमोद टेकाडे,अध्यक्ष जिल्हा विज्ञान अध्यापक मंडळ डॉ. रवींद्र भास्कर,डॉ. आनंद अस्वार,डॉ.श्रीकृष्ण सावरकर, एन आय एफच्या क्रिष्णा विश्वास व दिव्या भारती राय ह्यांनी कौतुक केले. ग्रामीण विद्यार्थ्यांचे सुयश पाहता सर्व स्तरातून तिचे कौतुक होत आहे.या प्रतिकृती वर अधिक काम करून अशा प्रकारची यंत्रणा प्रत्येक गाडीत लागू व्हावी अशी इच्छा राधिका देशमुख चे मार्गदर्शक शिक्षक नीता तोडकर व गोपाल खाडे यांनी व्यक्त केली.
