वाशिम : शेतकरी बांधवांना आनंदाची वार्ता देणाऱ्या,हवामान अभ्यासक गोपाल विश्वनाथ गावंडे यांनी महाराष्ट्र राज्यस्तरिय पत्रकार परिषदेचे अध्यक्ष संजय कडोळे यांचेशी भ्रमणध्वनीवरून संवाद साधतांना सांगितले की, "यंदाचे पाऊसमान चांगले राहणार असून,समाधान कारक पाऊस होणार आहे.त्यामुळे साहजिकच खरिपाचा हंगाम देखील चांगला होण्याचा अंदाज आहे."असे भाष्य त्यांनी केली आहे.पावसा विषयी आपले अनुमान व्यक्त करतांना त्यांनी कळवीले की,रिमझिम ते चांगल्या मोसमी पावसाला सुरुवात झालेली असून महाराष्ट्रात कमी अधिक प्रमाणात,काही भाग सोडून पाऊस पडत आहे.त्यामुळे वाशिम जिल्ह्यासह संपूर्ण महाराष्ट्रात शेतकरी बांधवानी आपआपल्या शेतामध्ये पेरणीला सुरुवात केलेली असून जून अखेरपर्यंत म्हणजेच दि 30 जून 2024 पर्यंत संपूर्ण महाराष्ट्रातील पेरण्या आटोपणार आहेत.चालू आठवड्यात दि 22 जून 2024 पासून चोहीकडे (पूर्व विदर्भ, पश्चिम विदर्भ,मराठवाडा, खान्देश, पश्चिम महाराष्ट्र, कोकण, मुंबई येथे) दमदार ते जोरदार पाऊस होण्याचा अंदाज असून दि.30 जून 2024 पर्यंत जोरदार पाऊस होण्याचा अंदाज असल्याने त्याचा शेतीला चांगला लाभ होणार आहे.त्यापुढे दि.01 जुलै ते 04 जुलै पर्यंत मुसळधार पाऊस पडणार आहे.शिवाय या दिवसात ढगाच्या गडगडाटात आणि विजाच्या कडकडाटात पाऊस होणार असून महाराष्ट्राच्या काही भागात विजा कोसळणार असल्याची शक्यताही त्यांनी वर्तविली आहे.या काळात दमदार पाऊस झाल्याने निश्चितच शेतकरी शेतमजूरांमध्ये उत्साह व आनंदाचे वातावरण राहून शेतीच्या कामाला दमदार सुरुवात होणार असल्याचे हवामान अभ्यासक गोपाल गावंडे यांनी कळवीले आहे.वरील कालावधीत अनेक भागात विजा कोसळण्याचा आणि मुसळधार पाऊसामुळे नदी नाले तुडूंब भरल्याने पूर येण्याचा अंदाज व्यक्त होत असल्याने महाराष्ट्रातील सर्व विभागातील शेतकरी,शेतमजूर व ग्रामस्थांनी विजा कडाडत असतांना शेतात थांबू नये.तसेच आपली जनावरे, गायी वासरे, शेळ्यामेंढ्या वगैरे विजेच्या खांबाजवळ आणि कोणत्याही हिरव्या झाडाखाली थांबवू नये आणि स्वतः देखील पावसा पासून संरक्षणासाठी झाडा खाली थांबू नये.त्याच प्रमाणे पांदण रस्ते,नदी,नाल्याला पूर असतांना,पुरामधून आपली जनावरे,बैलबंडी,मोटार सायकल, फोर व्हिलर किंवा एसटी बस पाण्या बाहेर काढण्याचा प्रयत्न करू नये.असे आवाहन महाराष्ट्र राज्यस्तरीय पत्रकार परिषदेचे अध्यक्ष संजय कडोळे यांनी केले आहे.
.jpeg)
