शहरात युवारंगतर्फे मागील ३ वर्षापासून विद्यार्थ्यांच्या निशुल्क समर कॅम्पचे आयोजन करण्यात येत आहे यावर्षी सुद्धा सुप्त गुणांना वाव देण्यासाठी निशुल्क समर कॅम्पचे आयोजन दिनांक २६ एप्रिल२०२२ ते दिनांक १४ मे २०२२ पर्यंत केलेले होते यामध्ये विद्यार्थ्यांना कराटे,योगा ,फोटोग्राफी,चित्रकला,नृत्यकला, संगीत ,संगणक , वन्यजीव व पर्यावरण संवर्धन , शेती, आयुर्वेद व शरीर विज्ञान, क्रीडा अशा विविध विषयांवर मार्गदर्शन करण्यात आले.
या समर कॅम्पचा समारोप सोहळा दिनांक १४ मे २०२२ शनिवारला स्वराज्याचे दुसरे छत्रपती श्री.छत्रपती संभाजी महाराज यांच्या जयंती दिनी पार पडला.या समारोप कार्यक्रमाचे उद्घाटक मा.प्रणिलजी गिल्डा सर उपविभागीय पोलिस अधिकारी , गडचिरोली हे होते तर कार्यक्रमाचे सहउद्घाटक मा. मनिषजी राऊत सर सामाजिक विचारवंत आरमोरी,कार्यक्रमाचे अध्यक्ष मा. चंदूजी कापकर साहेब प्राचार्य, विवेकानंद कनिष्ठ महाविद्यालय मानापूर, कार्यक्रमाचे उपाध्यक्ष मा. मनोजजी काळबांडे साहेब पोलीस निरीक्षक पोलीस स्टेशन आरमोरी,तर प्रमुख अतिथी म्हणून मा. चंदाताई राऊत सामाजिक विचारवंत आरमोरी , मा. मोंटूभाऊ पंजवानी उद्योजक, आरमोरी,मा. अशोकजी ठकराणी उद्योजक वडसा , मा. राहुलजी जुआरे संस्थापक तथा अध्यक्ष युवारंग मा.राजूजी घाटूरकर मुख्य कराटे प्रशिक्षक आरमोरी,मा. राधेशामजी दडमल सामाजिक कार्यकर्ते, उराडी उपस्थित होते या समारोप सोहळ्यात समाजासाठी व देशासाठी कार्य करणाऱ्या व्यक्तिमत्वाचा सत्कार करण्यात आला भारतीय सैन्यात सेवा देऊन सेवानिवृत्त झालेले मा.महेशजी डोकरे यांचा शाल व श्रीफळ देऊन सत्कार करण्यात आला तर भारतीय सैन्यात नव्याने रुजू झालेले मा.बादल राजगडे यांचा सुद्धा सत्कार करण्यात आला तसेच शैक्षणिक क्षेत्रात निस्वार्थपणे सेवा देऊन विद्यार्थ्यांना घडविण्याचे कार्य करणारे समाजसेवक मा. उमेशजी पिंपळकर सर आरमोरी ,मा.अंकितजी मोहूर्ले सर उराडी ,मा.नेपचंद्रजी पेलणे आरमोरी यांचा सुद्धा शाल व श्रीफळ देऊन सत्कार करण्यात आला या समारोप सोहळ्याप्रसंगी कार्यक्रमाचे उद्घाटक मा.प्राणिलजी गिल्डा सर यांनी मार्गदर्शन करताना संबोधले की विद्यार्थ्यांनी शाळे मध्ये घेत असलेल्या शिक्षणाव्यतिरिक्त सुद्धा जीवनात कमी पडणाऱ्या व्यवहारिक मूल्यांना आत्मसात करणे गरजेचे असते असे संबोधले तर मा. मनीषजी राऊत सर यांनी श्री. छत्रपती संभाजी महाराजांच्या संपूर्ण जीवन चरित्रावर मार्गदर्शन केले या समारोपीय कार्यक्रमात विद्यार्थ्यांना शिकवलेल्या नृत्य, वक्तृत्व ,वेशभूषा ,कराटे व अन्य कौशल्याचे प्रात्यक्षिक करून दाखवण्यात आले व विद्यार्थ्यांना मान्यवरांच्या हस्ते बक्षीस वितरण करण्यात आले याप्रसंगी सर्व विद्यार्थी , पालक व युवारंग परिवार सर्व सदस्य उपस्थित होते या कार्यक्रमाचे संचालन दिपकजी गोंदोळे यांनी तर प्रस्ताविक राहुलजी जुआरे व आभार प्रफुलजी खापरे यांनी मानले.
