देसाईगंज– स्थानिक मोहसिनभाई जव्हेरी महाविद्यालयात तीन दिवसीय वार्षिक स्नेहसंमेलन "युवा स्पंदन" मोठ्या उत्साहात पार पडले. या कार्यक्रमात विद्यार्थ्यांनी जोमाने सहभाग घेतला. १० मार्च रोजी विविध मैदानी व इनडोअर गेम्सचे आयोजन करण्यात आले. यामध्ये क्रिकेट, कबड्डी यासह विविध क्रीडा स्पर्धा खेळवण्यात आल्या. विद्यार्थ्यांनी यात मोठ्या संख्येने भाग घेतला. ११ मार्च रोजी सांस्कृतिक कार्यक्रम संपन्न झाले. या दिवशी गायन, एकल व गृप डान्स, फॅशन शो यासारख्या स्पर्धांचे आयोजन करण्यात आले. विद्यार्थ्यांनी आपल्या उत्तम कला सादर करून उपस्थितांची मने जिंकली. १२ मार्च रोजी सकाळी प्रश्नमंजूषा स्पर्धेचे आयोजन करण्यात आले. त्यानंतर भव्य बक्षीस वितरण सोहळा पार पडला. या वेळी विविध क्षेत्रात उल्लेखनीय कामगिरी करणाऱ्या विद्यार्थ्यांचा गौरव करण्यात आला.
कार्यक्रमाच्या यशस्वीतेसाठी विद्यार्थ्यांचा मोठा वाटा होता. त्याचप्रमाणे प्रा. श्रीकांत धोटे, प्रा. सुमेध मेश्राम, प्रा. आशिष डोंगरवार, प्रा. पंकज बोरकर, प्रा. नकाडे, प्रा. झोया सय्यद, प्रा. हर्षा डोंगरवार, प्रा. डॉ. आशिष सेलोकर, प्रा. डॉ. सुनील चौधरी, प्रा. डॉ. चंद्रकांत शेंडे तसेच शिक्षकेतर कर्मचारी वैशाली ब्रह्मणे आणि नंदकिशोर आतळकर यांचे सहकार्य लाभले.
हा संपूर्ण कार्यक्रम विद्यार्थ्यांसाठी प्रेरणादायी ठरला आणि महाविद्यालयाच्या सांस्कृतिक व क्रीडा परंपरेला नवा आयाम मिळाला.