चंद्रपूर : भद्रावती तालुक्यातील वर्धा नदीच्या पुलावर एका युवकाने पुलाच्या लोखंडी पाईपला कंबरेच्या बेल्टनी गळफास घेऊन आत्महत्या केल्याची दुर्देवी घटना आज आज गुरूवारी (1 सप्टेंबर) ला घडली. तेजस्वी विजय मोगरे (26) असे मृतक युवकाचे नाव असून तो यवतमाळ येथे शिकत येथे होता. तो वणी येथे गणपती पूजेसाठी त्याचे काका अजय मोगरे यांच्याकडे आला होता.लोकांनी त्याला लटकलेले पाहून माजरी पोलिसांना माहिती दिली. घटनेची माहिती मिळताच ठाणेदार विनीत घागी हे आपल्या कर्मचा-यांसह घटनास्थळी पोहोचले व मृतदेहाचा पंचनामा करून मृतदेह शवविच्छेदनासाठी उपजिल्हा रुग्णालय वरोरा येथे पाठविला.
तेजस्वी मोगरे या तरुणाचा कालच एम.ए.परीक्षेचा निकाल लागला. त्यात तो चांगल्या गुणांनी उत्तीर्णही झाला. तरीही तो नाराज होता.वृत्त लिहेपर्यंत मृत्यूचे कारण समजू शकले नाही.
.jpeg)
