बनावट कागदपत्रे तयार करून मूल येथील श्री कन्यका नागरी सहकारी बँकेतून एक कोटी रुपयांचे कर्ज घेऊन फसवणूक केल्याचा प्रकार मागील अडीच वर्षांपूर्वी उघडकीस आला होता. याप्रकरणी मागील अडीच वर्षांपूर्वीपासून फरार असलेल्या आरोपीला पकडण्यात सावली पोलिसांना यश आले आहे. राजेश वसंतराव राईचवार (५५) रा. सावली असे मागील अडीच वर्षांपासून फरार असलेल्या अटकेतील आरोपीचे नाव आहे. यातील दोन आरोपींना यापूर्वीच न्यायालयाने जामीन मंजूर केला होता.
श्री कन्यका नागरी सहकारी बँकेच्या बँक व्यवस्थापकांनी कर्जदार सरिता राजेश राईंचवार, जमानतदार राजेश वसंत राईंचवार, मूल्यांकनकर्तासचिन चिंतावार यांनी संगनमत करून खोटे व बनावट दस्तऐवज तयार करुन बँकेची एक कोटीने फसवणूक केल्याची तक्रार सावली पोलिसात केली होती.
या तक्रारीवरुन तिघांविरुद्ध कलम ४०६, ४२०, ४६५ ४६७, ४७१, ३४ भादंवि अन्वये गुन्हा नोंद केला. न्यायालयांनी कर्जदार सरिता राजेश राईंचवार व मूल्याकनकर्ता यांना जामीन मंजूर केला होता. परंतु, अडीच वर्षांपासून मुख्य आरोपी असलेले राजेश राईचवार फरार होते.दरम्यान, राजेश राईंचवार हे एका हॉटेलमध्ये जेवण करण्यासाठी जात असल्याची माहिती सावली पोलिस स्टेशनचे ठाणेदार आशिष बोरकर यांना मिळाली. त्यांनी लगेच सापळा रचून त्यांना ताब्यात घेऊन आर्थिक गुन्हे शाखेकडे हस्तांतरित केले. दोन दिवसांच्या पोलिस कोठडीनंतर त्याची न्यायालयीन कोठडीत रवानगी करण्यात आली आहे.
.jpeg)
.jpg)