न्यायाधीशांनी विरोधात आदेश दिल्याने थेट त्यांच्या घरी जाऊन पोलिस निरीक्षकाने धमकी दिल्याने गडचिरोली पोलिस दलात खळबळ उडाली आहे. मस्तवाल पोलिस निरीक्षक राजेश खांडवे याला गुरुवारी तडकाफडकी निलंबित करण्यात आले.
चामोर्शी कृषी उत्पन्न बाजार समितीचे सभापती अतुल गण्यारपवार यांना निवडणुकीच्या धामधुमीत मारहाण केल्याने वादाच्या खांडवे आधीच वादाच्या भोवऱ्यात सापडला होता. गण्यारपवारांनी न्यायालयात गुन्हा दाद मागितल्यावर गुन्हा नोंदविण्याचा आदेश देणाऱ्या न्यायाधीशांना घरी जाऊन धमकावण्याची हिंमत करणे खांडवेच्या अंगलट आले. विशेष म्हणजे ज्या ठाण्यात त्यांनी प्रभारी अधिकारी म्हणून कर्तव्य बजावले, त्याच ठाण्यात गुन्हाही नोंद झाला. चामोर्शी बाजार समितीबजावले, त्याच ठाण्यात गुन्हाही नोंद झाला. चामोर्शी बाजार समिती निवडणुकीच्या मैदानात अतुल गण्यारपवार यांचे पॅनेल होते. ते स्वतः ही उमेदवार होते. उमेदवारी अर्ज मागे त घेण्याची अंतिम तारीख होती. त्याच पहाटे ठाण्यात बोलावून खांडवे याने बा लाथाबुक्क्या व बुटाने मारहाण केल्याचा आरोप गण्यारपवार यांनी केला होता. मारहाणीत गण्यारपवार यांच्या डाव्या हाताला फ्रैक्चर झाले होते. दरम्यान, पोलिस निरीक्षक राजेश खांडवे याच्यावर गुन्हा नोंदविण्यासह बडतर्फीच्या कारवाईसाठी चामोर्शीत आंदोलन झाले होते. त्यानंतर गण्यारपवारांनी चामोर्शी येथील प्रथमवर्ग न्यायदंडाधिकारी यांच्या न्यायालयात दाद मागितली.प्रथमवर्ग न्यायदंडाधिकारी एन. डी. मेश्राम यांनी दोन्ही बाजूंचे म्हणणे ऐकून घेत २० मे रोजी पो. नि. राजेश खांडवेंवर कलम २९४, ३२४, ३२६, ३४२ भादंविनुसार गुन्हा नोंदविण्याचे आदेश दिले. दरम्यान, २५ मे रोजी सकाळी पो. नि. खांडवे हा न्या. मेश्राम यांच्या निवासस्थानी गेला. गुन्हा नोंद करण्याचे आदेश दिल्यावरून त्याने न्या. मेश्राम यांच्याशी हुज्जत घालून धमकावले. त्यानंतर खांडवे निघून जाताच न्या. मेश्राम यांनी ही बाब पोलिस अधीक्षक नीलोत्पल यांना कळवली. चामोर्शी ठाण्याचा तात्पुरता पदभार उपनिरीक्षक सुधीर साठे यांच्याकडे सोपविला आहे.
