वरोरा उपजिल्हा रुग्णालयात सध्या असलेले सोनोग्राफी मशीन अत्यंत जुने आणि कालबाह्य झाले आहे त्यामुळे रुग्णांना विशेषतः गर्भवती महिलांना तसेच इतर गंभीर आजारांवर उपचार घेणाऱ्या रुग्णांना मोठ्या अडचणींचा सामना करावा लागत आहे.
सध्या अत्याधुनिक 3D सोनोग्राफी मशीन उपलब्ध नसल्यामुळे, रुग्णांना खासगी दवाखान्यात महागड्या तपासण्या कराव्या लागतात. आर्थिकदृष्ट्या दुर्बल घटकांना मोठा फटका बसत आहे.
(कान-नाक-घसा) तज्ज्ञ डॉक्टर आणि त्वचारोग तज्ज्ञ डॉक्टर यांचीही या रुग्णालयात नेमणूक झालेली नाही. डॉक्टरांच्या अभावामुळे रुग्णांना दुसऱ्या ठिकाणी जावे लागते, ज्यामुळे वेळ आणि पैसा दोन्ही वाया जातात. या संधर्भात युवासेनेचे आलेख रमेश रट्टे यांनी भेट घेऊन समस्यांबद्दल आरोग्य मंत्री यांना अवगत केले.
वरोरा उपजिल्हा रुग्णालयात अत्याधुनिक 3D सोनोग्राफी मशीन त्वरित उपलब्ध करून द्यावे.पूर्ण वेळ तज्ज्ञ सोनोलॉजिस्ट (सोनोग्राफी तज्ज्ञ डॉक्टर) आणि टेक्निशियन नियुक्त करावा. (कान-नाक-घसा) तज्ज्ञ डॉक्टर आणि त्वचारोग तज्ज्ञ डॉक्टर यांची तातडीने नेमणूक करावी.
रुग्णांना माफक दरात सोनोग्राफी सुविधा मिळावी.
जेणेकरून
वरोरा आणि परिसरातील नागरिकांना उत्तम आरोग्य सेवा मिळेल आणि सरकारी आरोग्य यंत्रणेचा लाभ सर्वसामान्य रुग्णांना प्रभावीपणे मिळू शकेल. या मागण्यांवर तातडीने कार्यवाही करण्यात यावी, अशी मागणी अलेख रट्टे यांनी निवेदनातून केली आहे
