मागील दोन वर्षांपासून कोरोना महामारी काळात विविध शासकीय बंधनामुळे सण उत्सवाला मुकलेला समाज आज भीषण अश्या महामारीतून बाहेर पडून कायद्यानुसारच मोठ्या उत्साहात आप आपले सण उत्सव साजरे करण्याचा प्रयत्न करतोय.
मात्र अनावश्यक पोलिसी लाढीचार्ज कारवाईने सण उत्सवाला गालबोट लागल्याचा प्रकार शहरात २८ आगॅस्टला सायंकाळच्या सुमारास घडला आहे.
शहरातील नंदीबैल पोळ्याचा व धार्मिक आस्थेचा ठिकाण म्हणजे बाजार चौकातील प्रसिद्ध महादेव मंदिर..! सदर ठिकाण ब्रम्हपुरी पोलीस स्टेशनंपासून अगदी हाकेच्या अंतरावर असून ब्रम्हपुरी शहर शांत व सभ्य असल्याने कधी कुठल्याही अनौपचारिक घटनेची नोंद या पवित्र त्योहाराला स्टेशनं डायरीवर नसल्यागत जमा आहे. मात्र दरवर्षी उत्साहात साजरा होणाऱ्या नंदीबैल पोळ्याला २८ आगॅस्टच्या रात्री ब्रम्हपुरी पोलिसांकडून नागरिकांवर अचानकपणे झालेल्या मोठ्या लाठीचार्जने समाजमन सुन्न झाल्याचे शहरात दिसून आले आहे.
दरवर्षीप्रमाणे महादेव मंदिर बाजार चौक परिसरात मोठ्या उत्साहात नंदीबैल पोळा सण साजरा केला जातो . ब्रह्मपुरीतील अनेक धार्मिक मंदिरातील मंडळी स्वयं: पुढाकाराने आप आपल्या प्रतिष्ठानातील नंदीबैल मोठं मोठ्या मिरवणुकीसह ढोल ताशे व डी. जे.च्या तालावर महादेव मंदिर परिसरात मोठ्या आस्थेने आणतात तर सर्वात शेवटी धूमनखेळा येथील सर्वांना परिचित असलेला अष्टविनायक गणेश मंदिर येथील नंदीबैल महादेव मंदिर इथे आणला जातो हा नंदीबैल धूमधडाक्यात महादेव मंदिरात आला व प्रदक्षिणा मारत असताना अचानकपणे पोलीस कर्मचाऱ्यांनी मंदिर परिसरात मोठा लाठीचार्ज केला त्यामूळे उपस्थित लहान- मोठे, महिला-पुरुष, वयस्क मंडळी तसेच लहान बालकात व महिला मंडळीत मोठी अफरातफर झाल्याने कित्तेकांना किरकोळ जखम झाली व सर्वत्र मोठी धावपळ दिसून आली सदर पवित्र ठिकाणच्या मारहाणीचे अमानवीय व्हिडीओ सोशल मीडियावर शहरात व जिल्ह्यात सुद्धा वायरल झाल्याचे सर्वत्र दिसून येत आहेत.
अचानकपणे पोलिसांची लाठीचार्ज करण्याची ही कारवाई अत्यंत अमानवीय असून मानवाधिकाराचे हणन करणारी असल्याने संबंधित पोलीस कर्मचाऱ्यांवर कठोर कारवाई करण्यात यावी अशी मागणी ब्रम्हपुरी शहरातील सुज्ञ नागरिक करीत आहेत तसेच शहरातील या अमानवीय लाठीचार्ज प्रकरणावर जिल्हा पोलीस प्रशासन काय भूमिका घेतो हे पाहणे आता ब्रम्हपुरीकरांसाठी औचित्याचे ठरणार आहे.
.jpeg)