देसाईगंज; (प्रतिनिधी); २४ एप्रिल: अवकाळी पावसाने संपूर्ण विदर्भसह गडचिरोली जिल्ह्यात थैमान मजवलेले आहे. आज दुपारी झालेल्या विजेच्या कडकडाटासह पावसात वीज पडून लागलेल्या धक्क्याने एकाच कुटुंबातील ४ जणांचा मृत झाल्याची हृदयविदारक घटना देसाईगंज वडसा येथे घडली.
प्राप्त माहितीनुसार भारत राजगडे (35) पत्नी अंकिता (29) वर्ष व दोन मुली देवाशी (4) बाली (2) सोबत दुचाकीने गळगला (मालेवाडा) ह्या गावावरून लग्नावरून परत येत असताना दुध डेरी जवळ तुळशीफाटा च्या जवळ पाऊस व विजाचा कडकडाट सुरु असताना ते आसरा घ्याण्यासाठी झाडाखाली गेले असता त्याच दरम्यान विज कोसळली.
वीज कोसळताच संपूर्ण राजगडे कुटुंब क्षणात उध्वस्त झाले. घटनास्थळी सदर हृदयविदारक घटना बघणाऱ्यांचेही अश्रू अनावर झाले नाही आणि जणू अश्रुंच्या धारा वाहू लागल्या. भारत राजगडे हे झाडीपट्टीचे उक्तृष्ट गायक होते. त्यांच्या जाण्याने गावपरिसर तसेच राजगडे कुटुंब शोकसागरात बुडालेला आहे.
