अकोला:- सर्वांगीण विकासासाठी क्रमिक शिक्षणासोबतच कला, क्रीडा, नृत्य यासारखे विविध कलागुण परिपूर्ण व्यक्तिमत्व विकसित करतात. नवनव्या प्रतिभा या महोत्सवातून पुढे येतात. युवकांतील कलागुणांना वाव देण्यासाठी युवक महोत्सव हा महत्वपूर्ण उपक्रम आहे, असे प्रतिपादन जिल्हाधिकारी वर्षा मीना यांनी आज येथे केले.
क्रीडा व युवक सेवा संचालनालय जिल्हा क्रीडा अधिकारी कार्यालय व जिल्हा क्रीडा परिषदेच्या वतीने वसंत देसाई क्रीडांगण येथे आयोजित जिल्हास्तर युवा महोत्सवाच्या उद्घाटन प्रसंगी बोलत होत्या. यावेळी जिल्हा क्रीडा अधिकारी सतीशचंद्र भट,श्री शिवाजी महाविद्यालयाचे प्राचार्य डॉ. रामेश्वर भिसे आदी उपस्थित होते.
महोत्सवात काव्यलेखन,कथालेखन, वक्तृत्व असे अनेक उपक्रम घेतले जातात. त्यातून विद्यार्थी व युवकांना प्रोत्साहन मिळते. कलागुणांचा विकास होतो व नवी प्रेरणा मिळते, असे जिल्हाधिकारी श्रीमती मीना यांनी यावेळी सांगितले.
दोन दिवस चालणाऱ्या युवा महोत्सवामध्ये काव्यलेखन,कथालेखन,वक्तृत्व,नवोपक्रम यासह विविध स्पर्धा होणार आहे. कार्यक्रमाचे प्रास्ताविक जिल्हा क्रीडा अधिकारी डॉ.सतीशचंद्र भट्ट यांनी केले.
विज्ञान प्रदर्शनातून नवोपक्रमाना चालना
यावेळी विज्ञान प्रदर्शनाचे उद्घाटन जिल्हाधिकारी वर्षा मीना यांच्या हस्ते करण्यात आले.विद्यार्थ्यांनी विविध विषयांवर विज्ञानाचे प्रयोग साकारले आहेत.
आपल्या प्रतिक्रिया द्या....
