तालुक्यातील वैरागड येथील श्री. किसनराव खोब्रागडे जुनिअर कॉलेजच्या विद्यार्थ्यांनी स्थानिक ग्राम पंचायत वैरागडच्या सहकार्याने मुख्यमंत्री समृद्ध पंचायतराज अभियान अंतर्गत वनराई बंधारा बांधन्यासाठी महाश्रमदान करण्यात आले.
स्थानिक ग्रामपंचायत पंचायत वैरागडने उन्हाळ्यात पडणाऱ्या पाणी टंचाईच्या प्रश्न लक्षात घेता येथील वैलोचना नदीवर बंधारा बांधण्याचा उपक्रम हाती घेतला. त्यात विद्यार्थ्यांनी सामाजिक दायित्व म्हणून प्राचार्य विवेक हलमारे यांच्या आवाहनाने सहभाग घेतला व श्रमदान केले. बंधाऱ्या चे महत्व पटवून देताना भूगोल विभाग प्रमुख प्रा. नरेश लाडे यांनी विद्यार्थ्यांना मार्गदर्शन केले. यावेळी प्रा. मनीष राऊत, प्रा. कु. दीपाली चांदेवार, प्रा. प्रकाश म्हशाखेत्री, प्रा. चंद्रशेखर बर्वे, प्रा. अमोल नैताम, प्रा. कृष्णा सरकार यांनी सहकार्य केले.
